Աբու Դաբիում ձերբակալվել է 45 մարդ՝ Իրանի հետ լարվածության ժամանակ նկարահանումներ կատարելու համար

Արաբական Միացյալ Էմիրությունների իշխանությունները Աբու Դաբիում ձերբակալել են 45 մարդու, որոնք ռազմական լարվածության պայմաններում նկարահանումներ էին իրականացրել և հրապարակել դրանք սոցիալական ցանցերում։ Տեղեկությունը տարածել է «Раньше всех. Ну почти» Telegram-ալիքը։

Ըստ աղբյուրի՝ ձերբակալվածները նկարահանել էին տարբեր վայրեր Իրանի հետ ռազմական դիմակայության ընթացքում և այդ տեսանյութերն ու լուսանկարները հրապարակել էին համացանցում։ Իրավապահները նրանց մեղադրում են տեղեկատվություն տարածելու մեջ, որը կարող էր մոլորեցնել հասարակությանը, ազդել հանրային տրամադրությունների վրա և խուճապ առաջացնել։

ԱՄԷ իշխանությունները հայտարարել են, որ նման գործողությունները խախտում են երկրի օրենքները և կարող են վտանգել բնակչության անվտանգությունը։ Քաղաքացիներին կոչ է արվել հետևել միայն պաշտոնական աղբյուրներին։ Ավելի վաղ հաղորդվել էր նաև Իրանի կողմից Սաուդյան Արաբիայի վրա հնարավոր հարվածների մասին հաղորդագրությունների տարածման մասին։