ԱՄՆ-ի Հորմուզի նեղուցի ծովային արգելափակումը ձախողվել է․ NYT

ԱՄՆ-ի կողմից Հորմուզի նեղուցում սահմանված ծովային արգելափակումը չի տվել սպասված արդյունքը։ The New York Times-ի փոխանցմամբ՝ Kpler վերլուծական ընկերության տվյալներով մի շարք նավեր, այդ թվում՝ Իրանի նավահանգիստներում կանգնած, հաջողությամբ անցել են նեղուցով՝ սահմանափակումների ներդրումից հետո։

Պարբերականը հիշեցնում է, որ արգելափակումը վերաբերում է Իրանի նավահանգիստներ մուտք գործող կամ այնտեղից դուրս եկող բոլոր նավերին։ Սակայն, ըստ նույն աղբյուրի, արդեն իսկ կասկածներ կան այդ միջոցառման արդյունավետության վերաբերյալ, և առայժմ պարզ չէ, թե ինչպես են ԱՄՆ-ը պատրաստվում ապահովել սահմանված սահմանափակումների պահպանումը։

Ավելի վաղ ԱՄՆ նախագահ Դոնալդ Թրամփը հայտարարել էր Հորմուզի նեղուցի արգելափակման մասին՝ խաղաղ բանակցությունների ձախողումից հետո, որոնք տեղի էին ունեցել Իսլամաբադում։ Ըստ կանխատեսումների՝ այս քայլը պետք է ազդեր Իրանի նավթային արտահանման վրա։ Իսկ մարտի 21-ին Վլադիմիր Պուտինը ուղերձ էր հղել Իրանի գերագույն առաջնորդ Ալի Խամենեիին և նախագահ Մասուդ Փեզեշքիանին՝ աջակցություն հայտնելով իրանական ժողովրդին։