Բանակում չծառայած վարչապետի կողմից վիրավորական է, որ չի մոտենում ծառայած զինվորի՝ ասֆալտին նստած մորը (տեսանյութ)

«Շարժման օրվանից մինչ օրս կառավարությունը պետք է տրամադրի 30 մլն գումար, մենք գրավոր դիմել ենք ու մեր դիմումի պատասխանը չենք ստացել առ այսօր»,- այս մասին այսօր՝ սեպտեմբերի 19-ին, կառավարության շենքի դիմաց զոհված զինծառայողների մայրերի բողոքի ակցիայի ժամանակ հայտարարեց «Զինվորի մայր» ՀԿ համակարգող խորհրդի նախագահ տիկին Մարգարիտա Խաչատրյանը:

«Զոհված զինվորի մոր կողքին ասում են` ցավակցում ենք, ձեր կողքին կանգնած ենք, սակայն հենց էրեխուն իջացնում են փոսը, մոռանում են էդ ընտանիքին: Մենք այսօր կառավարությանը ասում ենք, որ մեզ էլ հիշեն, մենք ժողովրդից մեկն ենք: Ինձ համար բանակում չծառայած վարչապետի կողմից շատ վիրավորական է, որ 2 տարի յոթ օր ծառայած զինվորի մայրը կարա նստի ասֆալտին, ու ինքը չմոետենա, իմ կյանքն ինձ համար արժեք չունի, մինչև վերջ նստելու եմ ասֆալտին»,- ասաց տիկին Մարգարիտան:

Մանրամասները՝ azatutyun.am-ի տեսանյութում: