Բուլղարիան որոշել է ռուսական ռեակտորները չվաճառել Ուկրաինային

Բուլղարիան որոշել է չվաճառել ռուսական արտադրության ռեակտորները, որոնք նախատեսված էին բուլղարական «Բելենե» ԱԷԿ-ի չիրացված նախագծի համար, որոնք ցանկանում էր գնել Ուկրաինան, հայտարարել է Բուլղարիայի փոխվարչապետ Աթանաս Զաֆիրովը: Հայտնում է «ՌԻԱ Նովոստի»-ն։

Ուկրաինացի խորհրդարանական Յարոսլավ Ժելեզնյակը մարտին հայտնել էր, որ Վլադիմիր Զելենսկին օրենք է ստորագրել Բուլղարիայից Խմելնիցկի ԱԷԿ-ի համար ռուսական արտադրության սարքավորումներ գնելու մասին։

«Մենք որոշում ենք կայացրել, որ «Բելենե» ատոմակայանի  երկու ռեակտոր չի վաճառվի։ Միջուկային էներգետիկայի զարգացումը ճիշտ ճանապարհ է երկրի և մարդկանց համար։ Աշխարհում ԷլեկտրաԷներգիայի գներն աճում են, աշխարհն ապրում է մշտական էներգետիկ անկայունության պայմաններում, և հենց այդ պատճառով էլ ատոմային էներգիան կայուն է և կանխատեսելի: Մենք ունենք հարթակ, ունենք ռեակտորներ, ունենք կադրեր, ամեն ինչ մեր ձեռքերում է», - Զաֆիրովի խոսքը մեջբերում է Բուլղարիայի ազգային ռադիոն։ 

Նա հավելել է, որ այդ ռեակտորները Բուլղարիայի համար առանցքային ակտիվ են և նրա էներգետիկ անկախության մի մասը: Այժմ Բուլղարիայի խորհրդարանի որոշումն է սպասվում, հաղորդում է ռադիոն։