Թուրքիայում հյուրանոցի աշխատակիցները դաժան ծեծի են ենթարկել ռուս զբոսաշրջիկին (տեսանյութ)

Թուրքական Ալանիայում հինգաստղանի Nox Inn Deluxe հյուրանոցի անվտանգության երեք աշխատակիցներ ռուս զբոսաշրջիկի հետ ծեծկռտուքի ժամանակ հարվածել են նրա գլխին ու ծակել նրա գանգը։ Այս մասին հայտնում է TourDom պորտալը՝ տուժածի կնոջը հղումով։

Նշվում է, որ ռուսաստանցու և անվտանգության աշխատակիցների միջև ծեծկռտուքը տեղի է ունեցել հուլիսի 7-ի գիշերը։ Զբոսաշրջիկի կինը պատմել է, որ հյուրանոցի պատշգամբներից երկու անգամ իր և ամուսնու վրա ջուր են նետել։ Ամուսինները պարզել են, թե որ սենյակում են բնակվել օրինախախտները, և հյուրանոցի աշխատակիցներին խնդրել են միջոցներ ձեռնարկել։

«Ի պատասխան՝ միայն ժպիտներ և քմծիծաղ: Եվ հետո մեզ մոտ եկավ անվտանգության աշխատակիցը և շատ ամբարտավան հայացքով ասաց. «Դե դուք ռուս եք, ի՞նչ եք ուզում»: Ես խնդրեցի կրկնել եղած արտահայտությունը ձայնագրվելիս, որպեսզի զբոսաշրջիկները իմանան, թե որ հյուրանոց չպետք է գնան մեր զբոսաշրջիկները»,- կիսվել է հանգստացողը։

Նրա խոսքով՝ պահակն այդ ժամանակ փորձել է իր ձեռքից խլել հեռախոսը։ Ամուսինը պաշտպանել է կնոջը և հրել է անվտանգության աշխատակցին։ Հետո կոնֆլիկտի մեջ են մտել ևս երկու պահակ և սկսել ծեծել ռուսին։ «Քացով հարվածել են դեմքին, բռունցքով հարվածել գլխին: Արդյունքում նրա գանգը ծակվել է։ Նա հիվանդանոցում է»,- դժգոհել է զբոսաշրջիկը։

Նա հավելել է, որ ծեծկռտուքից հետո հյուրանոցի աշխատակիցներին խնդրել է զանգահարել ոստիկանություն և շտապօգնություն, սակայն հյուրանոցի աշխատակիցներից ոչ ոք իրեն չի օգնել։ Ուստի ռուս կինը ստիպված է եղել ինքնուրույն դա անել։ Տուժածը տեղափոխվել է հիվանդանոց, իսկ կինը հայտարարություն է գրել ոստիկանություն։ Զբոսաշրջիկը պատմել է նաև, որ հյուրանոցի ներկայացուցիչը, ով նախորդ օրը լավ է շփվել զույգի հետ, այժմ անտեսում է իր հաղորդագրություններն ու զանգերը։

Տեսանյութն՝ այստեղ։

Այս թեմայով Թուրքիայում տեղադրվել է «Գորշ գայլեր»–ի նշանը ցույց տված թուրք ֆուտբոլիստի արձանը Իսրայելը մարտահրավեր է նետում Թուրքիային․ Էրդողան Թուրքիայի նախկին նախագահ Աբդուլլահ Գյուլի և կնոջ հետ միջադեպ է տեղի ունեցել օդանավակայանում Թուրքիայում որոնում են 3 հայի, որոնք հանդիսանում են հսկայական տարածքի սեփականատեր Ադրբեջանի պաշտպանության նախարարը ժամանել է Թուրքիա