Մահացել է կոմպոզիտոր Արեգ Լուսինյանը

Մահացել է Հայաստանի կոմպոզիտորների միության անդամ, ՀՀ արվեստի վաստակավոր գործիչ, կոմպոզիտոր Արեգ Լուսինյանը:

Հոգեհանգստի արարողությունը տեղի կունենա վաղը՝ հոկտեմբերի 4-ին՝ ժամը 18:00-ին, Կոնդի Սուրբ Հովհաննես եկեղեցում:

Հուղարկավորությունը՝ հաջորդ օրը՝ հոկտեմբերի 5-ին՝ ժամը 12:00-ին, նույն վայրից:

Արեգ Լուսինյանը մեծակտավ, կամերային-գործիքային, վոկալ երկերի, ինչպես նաև մանուկների ու պատանիների համար գրված բազմաթիվ ստեղծագործությունների հեղինակ է։ Հրատարակված 76 հեղինակային և շուրջ 200 ժողովածուներում հազարի հասնող ստեղծագործությունների հեղինակ է։

Հայաստանի հանրային ռադիոյի ոսկե ‎ֆոնդում ներառված են նրա 300 ստեղծագործությունների ձայնագրությունները։ Կան ձայնագրություններ նաև այլ երկրների ռադիո‎ֆոնդերում։ Կոմպոզիտորի ստեղծագործություններից մի քանիսը զետեղված են նաև խորհրդային «Մելոդիա» ‎ֆիրմայի թողարկած ձայներիզներում։

Կոմպոզիտորի բազմաթիվ ստեղծագործություններ արժանացել են համամիութենական և հանրապետական տարբեր մրցանակների ու խրախուսական պարգևների։

Արեգ Լուսինյանը երաժշտական մի շարք դասագրքերի, ձեռնարկների ու ժողովածուների համահեղինակ և հեղինակ է։