Մեկ ամսում լրագրողների դեմ հարուցվել է 28 քրեական գործ

Իրանում վերջին մեկ ամսում խստացվել են լրագրողների դեմ ճնշումները։ Համաձայն միջազգային մամուլում տեղ գտած հրապարակումների, այս տարվա սեպտեմբերին Իսլամական Հանրապետությունում 24 լրագրողի դեմ հարուցվել է 28 քրեական գործ։ Միաժամանակ 25 դատական գործերում ուժայինները խախտել են լրագրողների եւ լրատվամիջոցների իրավունքները։ Հատկապես քննադատական հրապարակումներ կատարող մի շարք լրագրողների անձնական հեռախոսահամարներն են անօրինական կերպով արգելափակվել։

9 լրագրող առնվազն, գտնվում է բանտարկության մեջ։ Այս տարվա մարտից օգոստոս ընկած ժամանակահատվածում Իրանում ընդհանուր առմամբ 181 լրագրող եւ մեդիակազմակերպություն է ենթարկվել պատասխանատվության։