Ֆլորիդայի ավտոմայրուղու վրա ինքնաթիռ է կործանվել. կան զոհեր (տեսանյութ)

ԱՄՆ Ֆլորիդա նահանգի Նեապոլ քաղաքի մերձակայքում Bombardier Challenger 600 սերիայի ինքնաթիռն ընկել է միջպետական ​​մայրուղու վրա, ինչի հետևանքով՝ երկու մարդ է զոհվել, հայտնում է The New York Times-ը։

Դեռևս հայտնի չէ՝ բիզնես-ջեթը մխրճվել է մեքենաների մե՞ջ, թե՞ գետնի վրա գտնվող որևէ բանի, ասվում է հրապարակման մեջ։ Դեպքի վայրից հրապարակված տեսանյութում երևում է այրվող ֆյուզելյաժը և սև ծխի մի շղթան:

Գերատեսչության տվյալներով՝ ինքնաթիռում հինգ մարդ է եղել։ Այն կործանվել է փետրվարի 9-ին՝ տեղական ժամանակով ժամը 15:15-ին (Երևանի ժամանակով՝ փետրվարի 10-ին՝ 00:15-ին):

FlightAware ծառայության տվյալներով՝ ինքնաթիռը Նեապոլ էր թռչում Օհայոյից։