Շոյգուն կմեկնի Չինաստան՝ անվտանգության շուրջ բանակցությունների

Ռուսաստանի Անվտանգության խորհրդի քարտուղար Սերգեյ Շոյգուն կմեկնի Չինաստան՝ անվտանգության շուրջ բանակցություններ վարելու և Չժուհայում կայանալիք Airshow China 2024 միջազգային ավիաշոուի ժամանակ արտերկրում ռուսական հինգերորդ սերնդի Սու-57 կործանիչի առաջին ցուցադրությանը մասնակցելու համար: Այս մասին ՌԻԱ Նովոստիին հայտնել են Անվտանգության խորհրդի աշխատակազմի մամուլի ծառայությունից։

Աշխատանքային այցը նախատեսված է Նոյեմբերի 11-14-ը, որի ընթացքում նախատեսված են հանդիպումներ ՉԺՀ բարձրագույն քաղաքական ղեկավարության հետ: Շոյգուն ռազմավարական անվտանգության հարցերով խորհրդակցություններ կանցկացնի Չինաստանի արտաքին գործերի նախարար Վան Իի հետ: Նրանք նաև կքննարկեն երկկողմ համագործակցության հարցեր:

ԱԽ քարտուղարը նաեւ մտադիր է բանակցություններ վարել Չինաստանի Կոմունիստական կուսակցության կենտկոմի իրավաքաղաքական հանձնաժողովի ղեկավար Չեն Վենցինի հետ եւ այցելել Չժուհայում Airshow China 2024 միջազգային ավիասալոն, որտեղ տեղի կունենա հինգերորդ սերնդի ռուսական Սու-57 կործանիչի առաջին ցուցադրությունը արտասահմանում:

Աղբյուր` Փաստինֆո