Սլովակիայի վարչապետի կյանքին վտանգ չի սպառնում

Մի քանի հրազենային վնասվածքներ ստացած Սլովակիայի վարչապետ Ռոբերտ Ֆիկոյի կյանքին վտանգ չի սպառնում։ Այդ մասին հայտնել Է Սլովակիայի փոխվարչապետ Թոմաշ Տարաբան։

«Բարեբախտաբար, որքան ես գիտեմ, վիրահատությունը լավ է անցել, և ես կարծում եմ, որ նա ողջ կմնա։ Այս պահին նրան վտանգ չի սպառնում», - ասել է Թոմաս Տարաբան BBC-ին:

Նա հավելել է, որ վարչապետի վրա կրակել են շատ մոտ տարածությունից՝ մի գնդակը դիպել է ստամոքսին, երկրորդը վնասել է հոդը։

Ավելի վաղ Սլովակիայի պաշտպանության նախարարը հայտնել էր, որ Ֆիկոն պայքարում է կյանքի համար։

Մայիսի 15-ին Գանդլովա քաղաքում աջակիցների հետ հանդիպումից հետո Սլովակիայի վարչապետի վրա անհայտ տղամարդը մի քանի անգամ կրակել է։

Երկրի ներքին գործերի նախարարը հարձակումն անվանել է քաղաքական դրդապատճառներով սպանության փորձ:

Ոստիկանությունը դեռևս չի բացահայտել կասկածյալի ինքնությունը, սակայն ԶԼՄ-ները հայտնում են, որ 71-ամյա տղամարդը գրող է և քաղաքական ակտիվիստ: 

59-ամյա Ռոբերտ Ֆիկոն իշխանության է վերադարձել 2023 թվականի սեպտեմբերին կայացած ընտրությունների արդյունքում՝ հինգ տարի ընդդիմադիր դաշտում անցկացնելուց հետո։ Նա նախկինում եղել է Սլովակիայի վարչապետ 2006-2010 և 2012-2018 թվականներին:

Այս թեմայով Ռուս հաքերների կողմից վարչապետի աշխատակազմի տեղեկատվական բազան կոտրելու հայտարարությունը ստուգվում է Հայաստանի համար ՀԱՊԿ-ից վտանգ չկա․ Պեսկովը պատասխանել է Փաշինյանին Որևէ անուն չեմ տա, բայց վարչապետի մամուլի քարտուղարն էր ասում՝ թող չփոշմանի, եթե քրգործեր լինեն (տեսանյութ) «ՀՀ վարչապետի պաշտոնը զբաղեցնողը պետք է այնպես անի, որ Բաքուն պատժվի». Լարիսա Ալավերդյան (տեսանյութ) ԵՄ վիզային ազատականացման միֆը՝ նոր վտանգ Հայաստանի համար. «Փաստ» Եվրոպական ավտոմոբիլային արդյունաբերությանը 15 միլիարդ եվրոյի տուգանք է սպառնում. Renault-ի ղեկավար Հնդկաստանի վարչապետի ազգային անվտանգության հարցերով խորհրդականը կայցելի Ռուսաստան Ֆրանսիայում բողոքի ցույցեր են տեղի ունեցել նորանշանակ վարչապետի դեմ «Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով Ֆրանսիայում հազարավոր ակտիվիստներ ցույց են անցկացրել նոր վարչապետի դեմ