Մխիթարյանի նախկին մարզիչը գլխավորել է «Միլանը»
Վերլուծական![Մխիթարյանի նախկին մարզիչը գլխավորել է «Միլանը»](/timthumb.php?src=disc/13-06-24/c6cdffe33bad2670c4ac1254b7ce12a6.jpg&w=780)
Պորտուգալացի մասնագետ Պաուլու Ֆոնսեկան նշանակվել է իտալական «Միլանի» գլխավոր մարզիչ։ Կողմերը կնքել են երեք տարվա պայմանագիր։
Նախորդ երկու մրցաշրջանում 51-ամյա մարզիչը գլխավորում էր ֆրանսիական «Լիլը», որն այս տարի չորրորդ տեղը գրավեց Լիգա 1-ում։
Նախկինում Ֆոնսեկան աշխատել է նաև իտալական «Ռոմայում», ուկրաինական «Շախտյորում», պորտուգալական «Բրագայում», «Պորտուում» և այլ ակումբներում։ «Ռոմայում» նրա գլխավորությամբ խաղացել է նաև Հենրիխ Մխիթարյանը։
Հիշեցնենք, որ «Միլանի» գլխավոր մարզչի պաշտոնը թափուր էր Ստեֆանո Պիոլիի հեռանալուց հետո: 58-ամյա մասնագետը 2019 թվականից էր գլխավորում իտալական ակումբը, որի հետ 2022-ին դարձել էր Ա սերիայի չեմպիոն: Իտալիայի ավարտված առաջնությունում «Միլանը» գրավել է երկրորդ տեղը։
![](banners/armflix.jpg)