Օմանում մզկիթի մոտ հրաձգության հետևանքով Հնդկաստանի քաղաքացի է զոհվել

Օմանի մայրաքաղաք Մուսկատում մզկիթի մոտ տեղի ունեցած հրաձգության հետևանքով զոհվել է Հնդկաստանի մեկ քաղաքացի, ևս մեկը՝ վիրավորվել։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է այդ երկրում Հնդկաստանի դեսպանությունը:

«Հուլիսի 15-ին Մուսկատ քաղաքում տեղի ունեցած հրաձգության դեպքից հետո Օմանի սուլթանության արտաքին գործերի նախարարությունը հայտնել է, որ զոհվել է Հնդկաստանի մեկ քաղաքացի, ևս մեկը՝ վիրավորվել: Դեսպանությունն իր անկեղծ ցավակցությունն է հայտնում և պատրաստ է տրամադրել օգնություն բոլոր կարիքավորներին»,- ասված է դեսպանատան հաղորդագրության մեջ։

Ավելի վաղ Օմանի ոստիկանությունը հայտնել էր, որ տեղի ունեցած փոխհրաձգության արդյունքում զոհվել է վեց մարդ, այդ թվում՝ հինգ քաղաքացիական անձ և մեկ ոստիկան, 28 մարդ վիրավորվել է։ Ոստիկանությունը նաև հայտարարել է, որ հարձակվողներից երեքը սպանվել են։ Տեղեկատվության համաձայն՝ զինված անձինք կրակ են բացել մզկիթում հավաքված պակիստանյան համայնքի անդամների, այդ թվում՝ կանանց և երեխաների, ինչպես նաև պատանդներ վերցրել, որոնք ազատ են արձակվել անվտանգության ուժերի կողմից։ Պակիստանյան համայնքի ներկայացուցիչները հավաքվել էին մզկիթում՝ նշելու շիա մահմեդականների սուրբ լուսնային Մուհարրամ ամսվա տոնը։

Այս թեմայով Ծառայողական պարտականությունները կատարելիս զոհվել է ոստիկանության կապիտան Հայրապետ Ստեփանյանը Ներքին Բազմաբերդ գյուղի մոտ ՃՏՊ-ի հետևանքով երկու մարդ տեղափոխվել է հիվանդանոց Մեկ օրում գրանցվել է 6 ավտովթար. զոհվել է 2, վիրավորվել՝ 6 մարդ Այս տարի ամեն ամիս 3 զինծառայող է զոհվել ոչ մարտական պայմաններում. Իրավապաշտպան «Արմավիր» ՔԿՀ-ում uպանություն է եղել Ֆրանսիայի հյուսիսային ափերին ներգաղթյալներ տեղափոխող նավ է խորտակվել, զոհվել է առնվազն 12 մարդ 2 քաղաքացի բարձրացել էին ծխատար աշտարակի վրա և ինքնուրույն չեն կարողացել իջնել Ավտովթարի հետևանքով մահացած երեխաների մոր վիճակը ծայրահեղ ծանր է Փախուստ բանտից. Կոնգոյում առնվազն 129 մարդ է զոհվել, 59-ը` վիրավորվել Չիկագոյի արվարձանում մետրոյի գնացքում հրաձգություն է տեղի ունեցել. 4 մարդ զոհվել է