Գերմանիայի 2025 թվականի բյուջեի առանցքում լինելու է անվտանգության ապահովման գործոնը
Աշխարհ![Գերմանիայի 2025 թվականի բյուջեի առանցքում լինելու է անվտանգության ապահովման գործոնը](/timthumb.php?src=disc/17-07-24/45a0b7cb8bbb032be6a4171fcb1c78dd.jpg&w=780)
Գերմանիայի դաշնային կանցլեր Օլաֆ Շոլցը հայտարարել է, որ անվտանգության գործոնը գերակայում է երկրի՝ 2025 թվականի պետական բյուջեի նախագծում, որը համաձայնեցվել է այսօր: Այդ մասին նշված է Գերմանիայի կառավարության մամուլի ծառայության տարածած հաղորդագրությունում։
Գերմանիայում իշխող դաշինքի ներկայացրած բյուջեի նախագծի հաստատումը դժվար է ընթացել՝ կոալիցիայում ընդգրկված կուսակցությունների միջև տարաձայնությունների պատճառով։
«Անհանգիստ ժամանակներում Գերմանիան պետք է կայունության խարիսխ լինի: Դրա համար պատասխանատու է Դաշնային կառավարությունը: Հետևաբար, հստակ առաջնահերթություններ ենք սահմանել համաձայնեցված բյուջեի նախագծում: Կիզակետում անվտանգությունն է, առանց որի այսօր չի լինի մնացած ամեն բան»,- ընդգծել է Շոլցը:
![](banners/armflix.jpg)