Իրանը կկրկնապատկի Հայաստանից էլեկտրաէներգիայի ներմուծումը. դեսպան

Իրանը կկարողանա կրկնապատկել Հայաստանից էլեկտրաէներգիայի ներմուծումը։ Այս մասին ասել է Հայաստանում Իրանի Իսլամական Հանրապետության դեսպան Մեհդի Սոբհանին, գրում է SNN-ը։

«Մեր հաջողություններից էր երկու երկրի միջև գազի և էլեկտրաէներգիայի քլիրինգային համաձայնագրի երկարաձգումը մինչև 2030 թվականը։ Ամեն տարի Հայաստան ենք արտահանում 360 մլն խմ գազ, դրա դիմաց ներմուծում ենք էլեկտրաէներգիա։ Մեզ հաջողվեց գրեթե վերջնական փուլ հասցնել նաև Հայաստանից Իրան էլեկտրահաղորդման երրորդ գիծը, որը շահագործման կհանձնվի առաջիկա մի քանի ամիսների ընթացքում, և մենք կկարողանանք կրկնապատկել Հայաստանից էլեկտրաէներգիայի ներմուծումը», - ասել է Մեհդի Սոբհանին։

«Անցյալ տարի մենք կարողացանք Հայաստանի կառավարության հետ կնքել ամենամեծ պայմանագիրը ՀՀ անկախացումից ի վեր։ Այս պայմանագրով նախատեսվում է Հայաստանի հարավային մասում՝  Հյուսիս-Հարավ միջանցքի երթուղու վրա գտնվող Ագարակ-Գայրան ճանապարհի կառուցումը։ 212 միլիոն դոլար արժողությամբ այս ծրագիրը մեծապես նպաստում է Իրանի Իսլամական Հանրապետության տեխնիկական և ինժեներական ծառայությունների Հայաստան արտահանմանը։ Այս ճանապարհն ուղևորության տևողությունը մեկ ժամ 20 րոպեից կրճատում է 20 րոպեի, իսկ ճանապարհի լայնությունը 6 մետրից հասնում է 17 մետրի, ինչը շատ օգտակար է անվտանգության և արագության տեսանկյունից։ Հայաստանի տարբեր վայրերում 36 միլիոն դոլար արժողությամբ այլ ավելի փոքր ծրագրեր ունենք», - ասել է Սոբհանին:

Այս թեմայով «Զանգեզուրի միջանցքը» կարմիր գիծ է, Իրանը լուրջ և կոշտ արձագանք կտա. Էբրահիմ Ազիզի «Զանգեզուրի միջանցքի» մասին երազները իրականություն չեն դառնա․ ՀՀ-ում Իրանի դեսպան Վահե Գևորգյանը նշանակվել է Մոնղոլիայում ՀՀ դեսպան Բուլղարիայի նախագահ Ռադևը Հայաստանի դեսպան Եդիգարյանին պարգևատրել է «Մադարյան ձիավոր» առաջին աստիճանի շքանշանով ԵՄ առաքելությունը Հայաստանում զբաղվում է հետախուզական տվյալների հավաքմամբ. դեսպան Ինչո՞ւ են տեղի ունենում էլեկտրաէներգիայի անջատումները. «Փաստ» Իրանը դեմ է տարածաշրջանում աշխարհաքաղաքական փոփոխություններին. ԱԳՆ Սահմանազատման հանձնաժողովի համաձայնագիրը բավարար է ԵՄ-ի առաքելությունը Հայաստանից դուրս բերելու համար. Հիքմեթ Հաջիև Ռուսաստանը, Թուրքիան, Սիրիան և Իրանը հանդիպում կանցկացնեն Անկարայի և Դամասկոսի միջև հարաբերությունների կարգավորման շուրջ. Լավրով Իրանը չի ցանկանում ներքաշվել լայնածավալ ռազմական գործողությունների մեջ․ Լավրով