Երեկույթ մասնավոր ինքնաթիռում՝ ժամը 15 000 դոլարով

Մասնավոր ավիացիայի համաշխարհային ոլորտը 2020 թվականից ի վեր տարեցտարի աճում է, եւ Արաբական Միացյալ Էմիրությունները, որտեղ խորթ չեն ճոխությունն ու փայլը, գլխավորում են «բումը»:

Դուբայի եզակի առաջարկներից է երեկույթների համար նախատեսված 9H-FIVE ինքնաթիռը, որը թողարկվել է 2023 թվականին՝ FIVE շքեղ հյուրանոցային ապրանքանիշի կողմից: Խոսքը նոր ACJ TwoTwenty բիզնես-ջեթի մասին է, որը ստեղծվել է Airbus-ի կողմից՝ Comlux-ի հետ համատեղ։ Եվ չնայած մասնավոր ինքնաթիռները սովորաբար ներկված են կորպորատիվ բեժ գույնով, այս առաջարկը ուղղված է հաճույքին, այլ ոչ թե բիզնեսին:

LED լուսավորությունը տրամադրություն է ստեղծում 16 տեղանոց տնակում, որն ունի պատուհանների էլեկտրոխրոմատիկ երանգներ, երկու 55 դյույմանոց էկրան, աուդիո համակարգ՝ ընտրված երգացանկով, խելացի սենսորային էկրաններ, բարձր արագությամբ Wi-Fi եւ պարելու տարածք:

Օդանավն ունի տպավորիչ՝ 12-ժամյա անդադար թռիչք, ինչը թույլ կտա հարմարավետորեն Դուբայից Լոնդոն կամ, օրինակ, Տոկիո ճանապարհորդել։ Եթե հյուրերը քաղցած լինեն, կա լիովին կահավորված խոհանոց եւ ճաշասեղան ութ հոգու համար՝ FIVE հյուրանոցի ռեստորաններից ընտրված ճաշացանկով: Իհարկե, կա նաեւ լյուքս համար՝ թագավորական մահճակալով եւ ցնցուղով, որտեղ դուք կարող եք թարմանալ:

Այս ամբողջ շռայլությունը հասանելի է FLY FIVE-ի հյուրերին կամ մեկ ուրիշին, ով ցանկանում է վարձակալել ինքնաթիռը եւ պատրաստ է մեկ ժամվա համար վճարել մոտ 15 000 դոլար:

FLY FIVE-ը CNN-ին ասել է, որ 9H-FIVE չվերթը 2023 թվականի ապրիլին պաշտոնապես սկսելուց ի վեր ամրագրվել է ավելի քան 50 անգամ:

Այս թեմայով Խաղային ոլորտի կարգավորման գործառույթը կվերապահվի էկոնոմիկայի, իսկ պետություն-մասնավոր գործընկերության զարգացման ոլորտը՝ ֆինանսների նախարարությանը. «Փաստ» Սեպտեմբերի 7-ին, ժամը 10:30-ին, «Անի պլազա» հյուրանոցում տեղի կունենա հանդիպում․ Բագրատ Սրբազան Խոսվել է միայն կոմունիկացիաները՝ մասնավոր պահնորդական ընկերության կողմից վերահսկելու հնարավորության մասին. ԱԳ փոխնախարար Դեպի Նախիջևան ճանապարհի վերահսկողությունը կհանձնվի՞ մասնավոր ընկերությանը. ԱԳՆ-ի պատասխանը Հրդեհ է բռնկվել փայտածուխով բեռնված ավտոմեքենայում Մինչև ժամը 21:00 ջուր չի լինի. հասցեներ Սեպտեմբերի 2-ին սպասվող այցին Արցախի ներկայացուցչությունը բաց կլինի ժամը 12:00-18:00 Պավել Դուրովը մասնավոր միկրոավտոբուսով լքել է Փարիզի դատարանի շենքը (տեսանյութ) Ուկրաինայի պետական ​​պարտքը երեք ամսում ավելացել է 3,2 մլրդ դոլարով Սեւանա լճի մասնավոր լողափի տարածքում հայտնաբերվել է քաղաքացու դի