Տղամարդը կեղծ թղթադրամով գյուղմթերք է գնել․ նա հայտնաբերվել է և ձերբակալվել

Օգոստոսի 19-ին, ժամը 23-ին, ոստիկանություն զանգահարած քաղաքացին հայտնել է, որ Փոքր Վեդի գյուղում փողոցային առևտուր անելիս իրեն վճարել են կեղծ դրամ: Հայտնել է նաև, որ վճարողները եղել են «Նիսան» մակնիշի մեքենայով և գնացել են դեպի Ջերմուկ:

Հաղորդումը փոխանցվել է ոստիկանության Արարատի բաժին, որտեղից էլ օպերատիվ խումբը մեկնել է ահազանգի հետքերով:

Պարզվել է, որ գյուղմթերքի վաճառքի կետ մոտեցած մեքենայի վարորդը վճարել է 10 հազար դրամանոց և մթերքից բացի ստացել նաև 6750 դրամ մանրը։

Ձեռնարկված օպերատիվ-հետախուզական միջոցառումների արդյունքում բաժնի ծառայողները, համագործակցելով Արարատի մարզի պարեկների հետ, պարզել են վարորդի ինքնությունը. Երևանի բնակիչ էր, 41-ամյա տղամարդ:

Ահազանգից մոտ մեկուկես ժամ անց, Երասխ-Երևան ճանապարհի 26-րդ կմ-ին` Փոքր Վեդի գյուղի վարչական տարածքում վարորդն ու իր ուղևորը` երևանցի 45-ամյա տղամարդը հայտնաբերվել, ձերբակալվել և տեղափոխվել են ոստիկանության Արարատի բաժին: Այստեղ պարզվել է, որ կեղծ թղթադրամն իրացրել է ոչ թե վարորդը, այլ ուղևորը:

Անձնական խուզարկությամբ ուղևորի դրամապանակում հայտնաբերվել է 17 հատ 10 հազար և 11 հատ 20 հազար դրամ անվանական արժեքով հուշանվեր թղթադրամ:

Հայտնաբերվածը փաթեթավորվել և տղամարդկանց հետ ներկայացվել է վարույթ իրականացնող մարմին: «Նիսանը» տեղափոխվել է բաժնի պահպանվող հատուկ տարածք:

Հանգամանքները պարզվում են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Քասախցի երիտասարդին դանակահարած տղամարդը ձերբակալվել է Կեղծ են ՀՀ իշխանության պնդումները, թե Ռուսաստանը մեզանից արտատարածքային միջանցք է ուզում․ քաղաքագետ Թրամփի դեմ մահափորձի ժամանակ ԱՄՆ Գաղտնի ծառայության աշխատանքում խախտումներ են հայտնաբերվել Քասախցի երիտասարդին դանակահարած տղամարդը ձերբակալվել է Ոստիկանին սպանած 41–ամյա տղամարդը կալանավորվել է Խոյ համայնքը կահույք է գնել շուկայականից թանկ գնով. «Ժողովուրդ» Իրականությունն այլ է․ հիմք չունեք պնդելու, թե Կիրանցի բնակիչների վկայականները կեղծ են․ Դանիելյան Բուժքույրը փորձել է թմրամիջոց փոխանցել կալանավորված անձին և ձերբակալվել է «ARARAT» գրառմամբ ծխախոտի տուփից ադամանդանման քարեր են հայտնաբերվել. ՊԵԿ-ը ներմուծման փորձը կանխել է Վեճն ավարտվել է 25-ամյա երիտասարդի դանակահարությամբ․ ձերբակալվել է նրա 33-ամյա համագյուղացին