Բլոգեր Արթուր Ադամյանն արդեն 8-րդ օրն է՝ հացադուլ է հայտարարել՝ ի պաշտպանություն «Վառեմ-մարեմ»-ի շենքի

Արդեն 8-րդ օրն է՝ գյումրեցի բլոգեր Արթուր Ադամյանը հացադուլ և նստացույց է հայտարարել «Մեր մանկության տանգոն» ֆիլմից հայտնի «Վառեմ-մարեմ»-ի շենքի մոտ. պահանջը՝ շինությունը փլուզումից փրկելն է։ Արթուր Ադամյանը NEWS.am–ի հետ զրույցում նշում  է՝ պատկան մարմիններից պահանջում է գոնե երկաթե ամրաններով շենքը շրջափակել, մինչև վերանորոգման նախագիծ կմշակվի։ Արդեն 7400 ստորագրություն է հավաքվել։

«Շիրակի փոխմարզպետն ասում է, որ 2027 թվականին սկսելու են շենքի շինարարությունը։ Խնդիրն այն է, որ մինչև 2027 թվականը այս շենքն ուղղակի կարող է չլինել։ Ես փոխմարզպետին ասել եմ՝ եթե դուք վստահ եք, որ մինչև այդ ժամանակ շենքը չի փլուզվելու, ապա եկե՛ք, այս շենքի մեջ մի բնակարան վերանորոգեմ, ապրե՛ք մինչև շինարարությունը կսկսվի»,–պատմում է Արթուր Ադամյանը։ 

Նա նշում է նաև, որ պատկան մարմիններից որևէ մեկն այս ընթացքում չի այցելել իրեն, միայն մեկ զանգ է ստացել ՄԻՊ–ից։

«Մենք մարզպետ չունենք, մարզպետարանը վաղուց անտերության է մատնված։ Վաղը կամ մյուս օրը գնալու ենք մարզպետարանի դռները փակենք։ Մեկ է՝ այդ մարդը չի աշխատում, իմաստ չունի շենքն անիմաստ զբաղեցնելը։ ՄԻՊ–ն էլ բացարձակ անգործություն է դրսևորում. Կառավարության շահն է պաշտպանում, այլ ոչ թե քաղաքացու։ Մի անգամ ՄԻՊ–ից զանգել են, հորդորել են որպեսզի դադարեցնեմ հացադուլը, ասել են՝ անիմաստ է, դուք ոչ մի բանի չեք հասնի, կառավարությունն արդեն քննարկում է նախագիծը»,- հավելեց Արթուր Ադամյանը։

Արթուր Ադամյանը նշում է, որ ինքն էլ մասնագիտությամբ շինարար է և գիտի, որ նախագիծ կազմելն ու շինարարություն իրականացնելը մի քանի տարի է պահանջում, իսկ մինչ այդ շենքը կարող է փլուզվել։

«Առնվազն 4 տարի ժամանակ  է հարկավոր, որքան էլ արագացնեն, չեն կարող մի օրում նախագիծ մշակել ու վերակառուցել։ Շենքն այսօր արդեն վթարային վիճակում է գտնվում, ցանկացած պահի կարող է փլուզվել և մարդիկ տուժեն»,–ասում է նա։

Արթուր Ադամյանն նշում է՝ ստորագրություններն իրավական ուժ չունեն, որովհետև անձնագրային տվյալներ չեն հավաքագրել, ստորագրահավաքը միայն պատկան մարմինների ուշադրությունը խնդրի վրա հրավիրելու նպատակ ունի։

«Սրանք ուղղակի, ինչպես վարչապետն է ասում, 3 մլն վարչապետների ստորագրություններն են, հիմա մենք ունենք 7400 վարչապետների ստորագրություն»,–ասում է Արթուր Ադամյանը։

Նա պատմում է, որ առողջական խնդիրներ ունի և պատրաստվում է սրտի բաց վիրահատության, սակայն ասում է՝ հայրենի քաղաքում գտնվող պատմամշակութային շինության փրկության համար արժեր նման առողջական խնդիրների պայմաններում հրաժարվել սնունդից։

Այս թեմայով Սոթքում վիրավորած ու կոմայի մեջ հայտնված Նարեկն արդեն խոսում է, քայլում (տեսանյութ) Լեհաստանը 30-օրյա արտակարգ դրության ռեժիմ է հայտարարել ջրհեղեղի պատճառով «Զվարթնոցում» խստացրել են մաքսային ստուգումը․ արդեն Մոսկվայից ժամանողներին էլ են ստուգում Չինաստանի իշխանությունները «Բեբինկա» թայֆունի պատճառով 4-րդ մակարդակի արտակարգ արձագանքում են հայտարարել Արծաթե մեդալով՝ Լոզանի սպորտային արբիտրաժային դատարան. Արթուր Ալեքսանյանը կպայքարի հանուն արդարության Իսրայելի պաշտպանության բանակը հայտարարել է ՀԱՄԱՍ-ի 2 ռազմական օբյեկտի հարվածներ հասցնելու մասին Երևանում հորդառատ անձրևի հետևանքով բազմաբնակարանային շենքի հիմնական պատը մասամբ փլուզվել է «Հանգչիր խաղաղությամբ». Սա է իրենց պատկերացրած խաղաղությունը. Արթուր Խաչատրյան Արևմուտքն արդեն որոշել է թույլ տալ Ուկրաինային հարվածել Ռուսաստանի խորքերը Կոլումբիայի նախագահը հայտարարել է, որ իրեն փորձում են սպանել