Մի շարք դպրոցներում առաջին դասարան գնացել է 2-3 աշակերտ. Հրապարակ

Հրապարակը գրում է.

Հայաստանյան մի շարք դպրոցներում այս տարի առաջին դասարան կգնա 2-3 աշակերտ։ Առաջին տարին չէ, որ դպրոցներում առաջին զանգը հնչում է 1 կամ 2, 3 աշակերտի համար։

Արագածոտնի մարզի եզդիաբնակ Արևուտ գյուղի հիմնական դպրոցում առաջին զանգն այս տարի կհնչի ընդամենը երկու աշակերտի համար։ Արեւուտի գյուղապետ Էդիկ Օսեյանը «Հրապարակի»-ի հետ զրույցում ասաց, որ իրենց գյուղը 3 առաջին դասարանցիր ունի․ «Թլիկից 1 հոգի է, Կանչում 3 հոգի են, Հակո գյուղում 4 հոգի են, Դդմասարում 3 հոգի են, եթե չեմ սխալվում Արևուտում 2 հոգի են»։ 

Արագածոտնի մարզի Վարդաբլուր բնակավայրի վարչական ղեկավար Վիգեն Գասպարյանն էլ ասաց, որ իրենք էլ այս տարի 3 առաջին դասարանցի են ունեցել․ «Բնակիչ չունենք, քանի որ ոչ ոք աշխատանք չունի, բոլորը գալիս են Երեւան, գյուղերը փակվում են։ Կոնկրետ մեր գյուղը առաջին փակվող գյուղերից մեկն է այս տարածքում։ Ջահելները դուրս են գալիս, գնում են, մնացել են հիմնականում ծերերը։ Գյուղում 250 բնակիչ է, տարեցտարի այս թիվը պակասում է։ Այս պահին 3-4 մեքենայով ամեն օր ջահելները գալիս են Երևան՝ աշխատելու, հետ են վերադառնում, բայց տեսնելով, որ այստեղ եկամուտ չկա, կմնան Երևանում։Համարյա թե բոլորը ձգտում են դեպի Երևան քաղաք»։ 

Վարդաբլուրի վարչական ղեկավարը նաեւ ասաց, որ գյուղի միջնակարգ դպրոցում ընդհանուր առմամբ 33 աշակերտ է սովորում, համեմատեց՝ Երևանի դպրոցների մի դասարանի չափով։ 

Շիրակի մարզի Գետք բնակավայրի դպրոցի երեխաներն ու ծնողները անցած տարի փակել էին միջհամայնքային ճանապարհը։ Նրանք բողոքում են մինչև 100 աշակերտ ունեցող դպրոցները միավորելու նախագծի դեմ։ Գետքի դպրոցը, պետք է միավորվեր Երազգավորսի դպրոցի հետ: 

Համայնքի նախկին ղեկավար Աշոտ Շաբոյանն ասաց, որ Գետքի դպրոցը դեռեւս չի միավորվել Երազգավորսի դպրոցին, գյուղի աշակերտները հաճախել են գյուղի դպրոց․ «Գյուղից այս տարի 3 աշակերտ է հաճախել առաջին դասարան, եւս 3 առաջին դասարանցու ծնողներ իրենց երեխաներին ուղարկել են Գյումրի»։

Նշենք, որ այս տարի  2–րդ, 3-րդ, 5-րդ, 6-րդ, 7-րդ, 8-րդ և 10-րդ դասարաններում սովորելու է շուրջ 252.760 աշակերտ։ Հանրակրթական դպրոցներում նախնական տվյալներով սովորելու է 409․996 աշակերտ։ 

2024 թվականի օգոստոսի 30-ի դրությամբ առաջին դասարանցիների ընդունելության էլեկտրոնային՝ hayt.emis. am համակարգում հայտագրված է եղել 34․780 առաջին դասարանցի։ 

Այս թեմայով Մշտադիտարկվել են Արարատի մարզի մի շարք հուշարձաններ Երևանի և մարզերի մի շարք հասցեներում լույս չի լինի Աշտարակի 5 բնակավայրի մի շարք փողոցներ գազաֆիկացվում են Ջրհեղեղից տուժած Տավուշում դրամական առաջին փոխհատուցումը տրվեց երեքուկես ամիս անց Հայաստանում առաջին անգամ անցկացվում է Furniture Expo 2024 կահույքի մասնագիտացված ցուցահանդեսը Աննա Հակոբյանի հիմնադրամը և Չինաստանի «Soong Ching Ling» հիմադրամի բարեգործական հիմնադրամները պայմանավորվել են գործակցել մի շարք ծրագրերի շրջանակում Դպրոցներում «Վերջին զանգ» անցկացնելիս կարիք կա քաղքենիական միջավայրից անցում կատարելու իրական արժեքներին․ նախարար ՀՀ դպրոցականները բրոնզե մեդալ են նվաճել արհեստական բանականության առաջին միջազգային օլիմպիադայում Այս տարվա առաջին 8 ամիսներին «կարմիր գծերի» Ա և Բ գոտիների համար վճարվել է ավելի քան 1 մլրդ 539 մլն 256 հազար դրամ․ ՓաստԻնֆո Ադրբեջաներեն և թուրքերեն հայաստանյան ո՞ր դպրոցներում են սովորեցնում (տեսանյութ)