27 հազար դոլար բանկային հաշվի մնացորդ, 32 մլն դրամ վարկ, հիփոթեք. ինչ է հայտարարագրել Լիլիթ Մակունցը․ «Ժողովուրդ»

«Ժողովուրդ» օրաթերթը գրում է․ «Ներկայումս ԱՄՆ-ում ՀՀ արտակարգ եւ լիազոր դեսպան Լիլիթ Մակունցը 2018 թվականի հեղափոխությունից հետո նշանակվել էր ՀՀ մշակույթի նախարար, որին հաջորդեց ԱԺ պատգամավորի պաշտոնը: Նա իր հաշվետու տարվա հայտարարագիրը ներկայացրել է 2024 թվականի ապրիլի 16-ին, որում անշարժ գույք եւ տրանսպորտային միջոց չի ներկայացրել:

Լիլիթ Մակունցի՝ հաշվետու տարվա սկզբում առկա փոխառության գումարը կազմել է 4 մլն 78 հազար դրամ, ինչը տարվա վերջում նվազել է՝ դառնալով 3 մլն 918 հազար դրամ, իսկ մյուս փոխառությունը կազմել է 29 մլն 613 հազար դրամ եւ տարվա վերջում դարձել է 28 մլն 850 հազար դրամ:

ՀՀ արտակարգ եւ լիազոր դեսպանի բանկային հաշիվների մնացորդը հաշվետու տարվա սկզբում կազմել է 15 հազար դոլար՝ տարվա վերջում վերածվելով 27 հազար դոլարի, իսկ մյուս հաշվի մնացորդը 794 հազար դրամից նվազել է՝ կազմելով 395 հազար դրամ: Հաշվետու տարվա նրա եկամուտը եղել է 23 մլն 128 հազար դրամ, ինչը արտաքին գործերի նախարարությունից ստացված գումարն է: Լիլիթ Մակունցի ստացված վարկերի մայր գումարը հաշվետու տարվա դեկտեմբերի 31-ի դրությամբ կազմել է 32 մլն 768 հազար դրամ, որից 28 մլն 850 հազար դրամը բնակարանի հիփոթեքի գումարն է:

Հետաքրքիրն այն է, որ Լիլիթ Մակունցը հայտարարագրում չի նշել որեւէ անշարժ գույք, սակայն նա նույն հայտարարագրում նշել է, որ հաշվետու տարվա վերջի՝ դեկտեմբերի 31-ի դրությամբ իր բնակարանի հիփոթեքի մայր գումարը կազմել է 28 մլն 850 հազար դրամ:

Հիշեցնենք, նաեւ որ Լիլիթ Մակունցը եղել է ԱԺ «Իմ քայլը» խմբակցության ղեկավար»:

Այս թեմայով Ոստիկանությունը որոնում է ոմն «Գռզո»-ին, ով քաղաքացուն սպառնացել է, որ իրեն 13 հազար դոլար վճարի Մակունցը Միչիգանի համալսարանում ներկայացրել է «Խաղաղության խաչմերուկ» նախաձեռնությունը Գազայում զոհերի թիվը հասել է 41 հազար 206-ի Բացահայտվել է ՊԵԿ մի խումբ պաշտոնատար անձանց կողմից 8 մլն դրամ կաշառք պահանջելու դեպք Այս տարվա առաջին 8 ամիսներին «կարմիր գծերի» Ա և Բ գոտիների համար վճարվել է ավելի քան 1 մլրդ 539 մլն 256 հազար դրամ․ ՓաստԻնֆո 390 մլն դրամ՝ Հանրայինի 8-րդ տաղավարի շինաշխատանքների համար Խոյ համայնքը կահույք է գնել շուկայականից թանկ գնով. «Ժողովուրդ» Դիրքապահները փորձել են «կայֆ» ստանալ և հիվանդանոց են ընկել. «Հրապարակ» «Ժողովուրդ». 5-րդ կորպուսի հրամանատարին ազատելուց առաջ կորպուսում ներքին տարաձայնություն է եղել Ժողովրդին պետք է տանք թվային բացատրություն, թե ինչու ենք տասնյակ միլիարդ դրամ ծախսել և նոր ինստիտուտ ստեղծել. վարչապետ