Ոչնչացվել է շուրջ 38 տոննա կանեփի, 21 կգ վայրաճ կակաչի զանգված. ամփոփվել են «Կանեփ-կակաչ-2024» միջոցառման արդյունքները

«Կանեփ-կակաչ-2024» համալիր օպերատիվ-կանխարգելիչ միջոցառումն ավարտվել է օգոստոսի 31-ին: Ամենամյա այդ միջոցառումն անցկացվում է բույսերի աճման և զարգացման շրջանում։

ՆԳՆ հաղորդմամբ, շուրջ մեկ ամիս տևած միջոցառումը համակարգել է Քրեական ոստիկանության գլխավոր վարչության թմրամիջոցների անօրինական շրջանառության դեմ պայքարի վարչությունը: Միջոցառման նպատակը Հայաստանում շրջանառությունն արգելված թմրամիջոցներ պարունակող նյութերի, ինչպես նաև վայրի աճած բույսերի հայտնաբերումն ու այրման միջոցով ոչնչացումն է, թմրամիջոցների անօրինական շրջանառության դեպքերի կանխումը, հայտնաբերումը և բացահայտումը:

Միջոցառմանը մասնակցել են ոստիկանության գրեթե բոլոր ստորաբաժանումները։

Հայտնաբերվել և այրման միջոցով ոչնչացվել է շուրջ 38 տոննա կանեփի և 21 կիլոգրամ կակաչի վայրի աճած զանգված: Բացի այդ, միջոցառման շրջանակում իրականացված զննությունների և խուզարկությունների արդյունքում 76 տնամերձ հողամասերից հայտնաբերվել է կանեփի մոտ երեք հազար բույս։

Արձանգրվել է հանցագործության 215 դեպք, որոնցով ապօրինի շրջանառությունից առգրավվել են ավելի քան 21 կգ մարիխուանա, 49 կգ կանեփ, 62 գրամ ափիոն, մոտ 22 դեզոմորֆին, 4 կգ-ից ավելի մեթամֆետամին, 21,5 մլ մեթադոն, մոտ 13 գրամ հաշիշի յուղ, 65 գրամ սփայս և տարբեր տեսակի հոգեմետ 52 դեղահաբ։

Միջոցառման ընթացքում, թմրամիջոցների հայտնաբերմանը զուգահեռ, հայտնաբերվել կամ բացատրական աշխատանքի շնորհիվ ոստիկանություն է հանձնվել տարբեր տեսակի զենք և զինամթերք` 6 ինքնաձիգ, 11 նռնակ, նռնակի 12 պայթուցիչ, 29 պահունակ, 7 ատրճանակ, 13 հրացան, 3 պայթուցիչ, և տարբեր տրամաչափերի 4975 փամփուշտ։

Միջոցառման շրջանակներում ձեռնարկված օպերատիվ-հետախուզական միջոցառումների արդյունքում հայտնաբերվել է ՀՀ և այլ երկրների քրեական օրենսգրքերի տարբեր հովածների հատկանիշներով հետախուզվող 103 անձ։

Թեև ավարտվել է «Կանեփ-կակաչ-2024» միջոցառումը, սակայն ոստիկանությունը չի պատրաստվում թուլացնել ապօրինի թմրաշրջանառության դեմ պայքարի տեմպերը։ Հանցագործությունների կանխման, նախականխման և բացահայտման ուղղությամբ աշխատանքները շարունակվում են։

Այս թեմայով Փրկարարները Վանաշեն գյուղի տներից մեկի բակից հեռացրել են մոտ 85 տոննա ջուր Հայաստանում առաջին անգամ անցկացվում է Furniture Expo 2024 կահույքի մասնագիտացված ցուցահանդեսը Օկամպոն չափազանց կարևոր է համարում հայ գերիների ազատման գործընթացի շուրջ աշխարհասփյուռ հայերի ջանքերի միավորումը Վաղարշապատի քրեական հետախույզները մարիխուանա և կանեփի թփեր են հայտնաբերել Հայաստանի զբաղվածության 2024-2030 թթ․ ռազմավարությունը սահմանում է ոլորտի զարգացման տեսլականը և դրա ճանապարհը. նախարար 2024 թվականի առաջին կիսամյակում ՊՎԾ-ն դիտարկել է թվով 5678 գնման ընթացակարգեր Հայաստանը և Եվրոպական միությունը մեկնարկում են մուտքի արտոնագրերի ազատականացման շուրջ երկխոսությունը Արտակարգ դեպք՝ Վայոց ձորում. մի քանի տոննա ապրանքով բեռնատարը կիսակողաշրջված հայտնվել է դաշտում Դիմագրավել երկրի ապամոնտաժման քաղաքականությանը. ի՞նչ ծրագրեր ունի նոր ձևավորված շարժումը, և ովքե՞ր են համախմբված նրա շուրջ. «Փաստ» 2024-ին ՀՀ-ում հաստատվել է կարմրուկով վարակման 550 դեպք