Խաբել են շուրջ 8000 մարդու. ՀՀ-ում հանցավոր կազմակերպություն է բացահայտվել

Հայաստանում բացահայտվել է կիբեռհափշտակություններով զբաղվող անդրազգային խոշոր հանցավոր կազմակերպություն, որի գործունեությունից տուժել է 7882 մարդ, հափշտակվել է ավելի քան 10 մլրդ դրամ։ Այս մասին հայտնում է ՀՀ քննչական կոմիտեի մամուլի ծառայությունը։

Քննությամբ պարզվել է, որ Հայաստանի և Ուկրաինայի մի խումբ քաղաքացիներ 2020-2023 թվականներին ստեղծել և ղեկավարել են կայուն և միավորված անդրազգային հանցավոր կազմակերպություն՝ հավաքագրելով և ներգրավելով կազմակերպության մոտ 2000 անդամների:

Հանցավոր խմբավորման անդամների գործողությունները ղեկավարելու և համակարգելու նպատակով ստեղծել են բազմաստիճան հիերարխիկ կառուցվածք և կատարել դերաբաշխում՝ ըստ մասնագիտացման:

Խմբի ղեկավարներն ուղղորդել են կազմակերպության անդամների քայլերի հաջորդականությունը, սովորեցրել ներդրումներ կատարելու և հավելյալ մեծ եկամտաբերությամբ գումարներ վաստակելու ցանկություն հայտնած անձանց գիտակցության վրա հոգեբանորեն ներազդելու հնարքներ։ Անդամներին ապահովել են անհրաժեշտ համակարգիչներով, այլ տեխնիկական և ծրագրային միջոցներով։ Մեծաթիվ օգտատերերի գայթակղելու նպատակով սոցիալական ցանցերում իրականացրել են գովազդներ և վստահությունն ամրապնդելու համար ստեղծել են կեղծ բովանդակությամբ համացանցային տասնյակ կայքեր: Վարձակալել են հարմարավետ գրասենյակային տարածքներ, որտեղ մուտքը վերահսկել են այցեքարտերով և նույնականացմամբ, ստեղծել աշխատանքի, հանգստի ու ժամանցի համար հարմարավետ պայմաններ, ներդրել անդամների ակտիվությունը խրախուսող հավելյալ վարձատրության համակարգեր:

Խարդախները մարդկանց վստահությունն ամրապնդելուց հետո ուղղորդել են իրենց կողմից կառավարվող հաշվեհամարներին տարբեր չափերի գումարներ փոխանցել, բանկերի կողմից փոխանցումներ կատարելու թույլտվության համար վճարումներ կատարել։

Ձեռք բերված բավարար փաստերի հիման վրա հանցավոր կազմակերպության մի խումբ անդամների մեղադրանք է ներկայացվել ՀՀ քրեական օրենսգրքի 319-րդ հոդվածի 1-ին մասով (Հանցավոր կազմակերպությանը մասնակցելը) և 257-րդ հոդվածի 3-րդ մասի 1-ին և 3-րդ կետերով (հանցավոր կազմակերպության կողմից,խոշոր չափերով համակարգչային հափշտակությունը):

Վերջիններիս մասով նախաքննությունն ավարտվել է, և անջատված վարույթի նյութերը մեղադրական եզրակացությամբ ուղարկվել են դատարան։

Այս թեմայով Օկամպոն չափազանց կարևոր է համարում հայ գերիների ազատման գործընթացի շուրջ աշխարհասփյուռ հայերի ջանքերի միավորումը Բացահայտվել է ՊԵԿ մի խումբ պաշտոնատար անձանց կողմից 8 մլն դրամ կաշառք պահանջելու դեպք «Ժողովուրդ». Ընտրակեղծիքներ եղել են եւ լինում են. Փաշինյանը խաբել է. մաս 214 Հայաստանը և Եվրոպական միությունը մեկնարկում են մուտքի արտոնագրերի ազատականացման շուրջ երկխոսությունը Կառավարությունը փայ է մտնում բիզնեսին․ Փաշինյանը խաբել է. Մաս 213. «Ժողովուրդ» Դիմագրավել երկրի ապամոնտաժման քաղաքականությանը. ի՞նչ ծրագրեր ունի նոր ձևավորված շարժումը, և ովքե՞ր են համախմբված նրա շուրջ. «Փաստ» Ընդդիմադիրների մեքենաները շուրջ 3.5 ամիս է, ինչ գտնվում են հատուկ պահպանվող տարածքում. Դանիելյան (տեսանյութ) Կալիֆոռնիան հայտարարել է անտառային սաստիկ հրդեհների պատճառով ավելի քան 5000 մարդու տարհանման մասին ԱՀԿ-ն հայտնել է, որ Սուդանում հակամարտությունը խլել է առնվազն 20 հազար մարդու կյանք Կանխվել է 45,015 մարդու անօրինական գաղթը դեպի Եվրոպա