Ծեծել են գիտնականներին ու ծեծկռտուքը բաժանող ոստիկանին. Հրապարակ

«Գրին Փրոփերթի Դիվելոփմեն» ընկերության աշխատակիցները տնօրեն Արտաշես Վարդանյանի գլխավորությամբ քիչ առաջ ծեծի են ենթարկել ՀՀ օրգանական եւ դեղագործական քիմիայի գիտահետազոտական կենտրոնի գիտական գծով փոխտնօրեն Ռոբերտ Հակոբյանին, մի քանի այլ գիտնականների եւ ծեծկռտուքը բաժանող ոստիկանության աշխատակցին։ Այս մասին «Հրապարակ»-ին հայտնել է Հակոբյանը՝ ով այժմ ոստիկանության բաժանմունքում դեպքի վերաբերյալ հաղորդում է ներկայացնում:

Նշենք, որ գիտնականներ այսօր Ազատության պողոտայի 26/1 հասցեում բողոքի ակցիա էին իրականացնում՝ պահանջելով դադարեցնել  գիտահետազոտական կենտրոնի ջրավազանի տարածքում իրականացվող ապօրինի շինարարությունը։ Կառուցապատող ընկերության աշխատակիցները սպասել են, որ այսօրվա ակցիան լուսաբանող լրագրողները հեռանան տարածքից, ապա հարձակվել եւ ծեծի են ենթարկել ապօրինության դեմ պայքարող գիտնականներին եւ անգամ ոստիկանին:

«Ակցիայի վայրում կանգնած էինք, դարպասները բացեցին կառուցապատող ընկերության աշխատակիցները, տնօրենի գլխավորությամբ, կամազներով եւ գռուզավիկներով քշում էին մեզ վրա։ Վարորդներն այլ աշխատակիցների եւ տնօրենի հետ միասին սեռական բնույթի հայհոյանքներ էին տալիս, հետո սկսեցին քաշքշել ու ծեծել։ Ինձ հարվածում էին մի քանի հոգով՝ տարբեր կողմերից։ Բռնության ենթարկեցին նաեւ ոստիկաններից մեկին, ով փորձում էր կանխել ծեծկռտուքը»,-ասաց նա։

Ավելի վաղ գրել էինք, որ ՀՀ օրգանական եւ դեղագործական քիմիայի գիտահետազոտական կենտրոնի տնօրենն ու աշխատակիցներն այսօր կրկին ճանապարհ փակեցին: Գիտահետազոտական կենտրոնին պատկանող ջրավազանի տարածքում ապօրինի շինարարություն է ընթանում: Ըստ գիտնականների՝ կառուցապատողը քաղաքապետարանի հետ ապօրինի գործարքի մեջ է: Դատարանը շինաշխատանքները դադարեցնելու որոշում է կայացրել, սակայն կառուցապատող ընկերությունը՝ «Գրին Փրոփերթի Դիվելոփմեն» շարունակում է շինարարությունը: 16 հարկանի շենք է կառուցվում չորս քիմիական մասնաշենքերի արանքում, որն, ըստ գիտնականների՝ ռումբ է քաղաքացիների տակ։

Այս թեմայով Ոստիկանին սպանած 41–ամյա տղամարդը կալանավորվել է «Հրապարակ». Փաշինյանը բաց չի թողնի՞ ցարի «խաչը համբուրելու» առիթը «Հրապարակ». Առուշ Առուշանյանի պաշտոնի համար մարտերը սկսված են «Հրապարակ». Առանց հայհոյանքի ու վեճերի. ի՞նչ է փոխվել «Հրապարակ». Դեպի ԵՄ. Հայտնի է՝ երբ կմեկնարկի ստորագրահավաքը «Հրապարակ». ԱՄՆ ում տաքսու վարորդ աշխատածը Փաշինյանի օրոք փոխնախարար է դարձել Արցախցիների դեմ արշավը շարունակվում է. «Հրապարակ» «Հրապարակ». Ագրարայինի ռեկտորը գրանցված չէ իրավաբանական անձանց պետական ռեգիստրում «Հրապարակ». Արցախի քաղաքական վերնախավը վերցնում է իրեն նետված ձեռնոցը. պատրաստ են ցանկացած գրոհի Էդվարդ Հովհաննիսյանը` պաշտոնից ազատվելու, Քոչարյանի դստեր և Սիրվարդ Գևորգյանի մտերմության մասին. «Հրապարակ»