«Հրապարակ». Վանաձորի քաղաքապետի ճակատագիրը մնում է անորոշ

«Հրապարակ» թերթը գրում է. «2021-ի ՏԻՄ ընտրություններից ի վեր ՔՊ-ական իշխանությունը, չհաշտվելով Վանաձորում կրած պարտության հետ, ամեն ինչ արեց, որ իշխանությունը խլի հաղթող ուժերից: Այդ պատճառով 2,5 տարի բանտում անցկացրեց Մամիկոն Ասլանյանը: Ապա ԼՀԿ-ի միջոցով կասեցրին Վանաձորի ավագանու գործունեությունը` նրանց հայցի հիմքով դատարանն արգելեց նիստեր հրավիրել` մինչեւ իր վերջնական որոշումը, իսկ դատը ձգվեց 2 տարի:

Ապա օրենսդրական փոփոխություն արեցին, որ կարողանան ավագանու կազմում գտնվող մեծությամբ երկրորդ ուժի` ՀԱՍԿ-ի ներկայացուցչին` կրիմինալ համբավ ունեցող նախկին փոխքաղաքապետ Ակային` Արկադի Փելեշյանին, քաղաքապետ կարգել: Հիմա Մամիկոն Ասլանյանը բանտից ազատվել է, ԼՀԿ-ի հայցի քննությունն ավարտվել է, եւ ենթադրվում էր, որ ավագանին նիստ կանի ու քաղաքապետ կընտրի, բայց «մեջլիս» է մտել Ական` ՀԱՍԿ-ով:

Մովսես Շահվերդյանի կուսակցությունը դիմել է դատարան, թե իրենք, որպես երրորդ կողմ, պատշաճ ծանուցված չեն եղել եւ ԼՀԿ-ի հայցի քննությանը չեն մասնակցել, խնդրում են նորից սկսել քննությունը եւ իրենց լսել: Վանաձորի ավագանու անդամներն արդեն ծանուցում են ստացել, որ դատարանը վարույթ է ընդունել ՀԱՍԿ-ի բողոքը, եւ, ուշադրություն, նիստի օր է նշանակվել 2025թ․ հունիսի 26-ը։ Սա նշանակում է, որ Վանաձորի ավագանու եւ Վանաձորի քաղաքապետի ճակատագիրը կրկին մնում է անորոշ, քանի որ հայտնի չէ, թե այս մի բողոքն ինչքան կքննվի: Եվ այս իշխանությունը խոսում է «ընտրակեղծիքների էջը» փակված լինելու մասին»:

Այս թեմայով «Հրապարակ». Փաշինյանը բաց չի թողնի՞ ցարի «խաչը համբուրելու» առիթը «Հրապարակ». Առուշ Առուշանյանի պաշտոնի համար մարտերը սկսված են Նոր մանրամասներ՝ Վանաձորի համայնքապետարանում տեղի ունեցած չարաշահումների գործով․ 18 միլիոն դրամի հափշտակություն «Հրապարակ». Առանց հայհոյանքի ու վեճերի. ի՞նչ է փոխվել «Հրապարակ». Դեպի ԵՄ. Հայտնի է՝ երբ կմեկնարկի ստորագրահավաքը «Հրապարակ». ԱՄՆ ում տաքսու վարորդ աշխատածը Փաշինյանի օրոք փոխնախարար է դարձել Վանաձորի թնջուկը կամ մի գողացված ընտրության պատմություն. MediaHub Արցախցիների դեմ արշավը շարունակվում է. «Հրապարակ» «Հրապարակ». Ագրարայինի ռեկտորը գրանցված չէ իրավաբանական անձանց պետական ռեգիստրում «Հրապարակ». Արցախի քաղաքական վերնախավը վերցնում է իրեն նետված ձեռնոցը. պատրաստ են ցանկացած գրոհի