ԱՄՆ եւ Մեծ Բրիտանիայի արտաքին հետախուզության ղեկավարները կոչ են արել «չշրջվել» ՌԴ-ի դեմ Ուկրաինայի պայքարի ճանապարհից

ԱՄՆ ԿՀՎ եւ Մեծ Բրիտանիայի Գաղտնի հետախուզական ծառայության տնօրենները շաբաթ օրն իրենց հոդվածում հայտնել են, որ հիմա ճանապարհից «չշրջվելը» Ռուսաստանի դեմ Ուկրաինայի պայքարում, ինչպես երբեք, կարեւոր է, եւ խոստացել են համագործակցություն այդ եւ այլ ոլորտներում։

ԿՀՎ տնօրեն Ուիլյամ Բյորնսի եւ Գաղտնի հետախուզական ծառայության տնօրեն Ռիչարդ Մուրի Financial Times-ում հրապարակված հոդվածը նրանց գերատեսչությունների ղեկավարների առաջին համատեղ հոդվածն է։

«Գործընկերությունն ընկած է մեր երկրների միջեւ հատուկ հարաբերությունների հիմքում»,- գրել են նրանք՝ նշելով, որ երկու տարի առաջ իրենց ծառայությունները նշել են գործընկերության 75-ամյակը։ Նրանց խոսքով՝ իրենց գերատեսչությունները «միասին դիմակայում են Ռուսաստանի եւ (Ռուսաստանի նախագահ Վլադիմիր) Պուտինի ագրեսիվ պատերազմին Ուկրաինայի դեմ»։

«(Ուկրաինայում) ուղեգիծը պահելն այժմ կենսականորեն կարեւոր է, ինչպես երբեք։ Պուտինին չի հաջողվի ոչնչացնել Ուկրաինայի ինքնիշխանությունը եւ անկախությունը»,- հայտարարել են նրանք՝ ավելացնելով, որ իրենց գերատեսչությունները կշարունակեն օգնություն ցուցաբերել ուկրաինական հետախուզությանը։

Հետախուզական գերատեսչություների ղեկավարները նաեւ հայտնել են, որ իրենց գործակալությունները կշարունակեն աշխատել, որպեսզի խանգարեն «անխոհեմ դիվերսիաներին ամբողջ Եվրոպայում, որն իրականացնում է ռուսական հետախուզությունը, եւ նրա «տեխնոլոգիաների ցինիկ օգտագործմանը ապատեղեկատվության տարածման համար», «որպեսզի սեպ խրվի մեր միջեւ»։

Աղբյուրը` News.am

Այս թեմայով ՔՊ-ն նախաձեռնող խմբի նիստ է արել Գյումրիում Ոստիկանների վրա հարձակումից զոհված կապիտան Հայրապետ Ստեփանյանի կինը գրառում է արել Քաղաքական խորհրդակցություններ՝ Հայաստանի և Տաջիկստանի արտաքին գործերի նախարարությունների միջև Հայաստանի և Տաջիկստանի արտաքին գործերի նախարարությունների միջև կայացել են քաղաքական խորհրդակցություններ «Մոտենում ենք Սրբազան պայքարի շատ կարևոր, նոր փուլի մեկնարկին» Տավուշի մարզպետը Կիրանցի բնակչի հետ «բազար է արել» փոխհատուցվող գումարի չափի վերաբերյալ Թեհրանը համարժեք պատասխան կտա. ԱԳՆ են կանչվել Մեծ Բրիտանիայի, Նիդեռլանդների, Ֆրանսիայի և Գերմանիայի դեսպանները Հրապարակում եմ գաղտնի տվյալ՝ 2013-2015 թթ-ին ՀՀ սահմաններն ընդլայնել ենք 500 քկմ-ով, արել ենք լուռ. Հայկ Մամիջանյան (տեսանյութ) «Ես այդ մարդկանց, որոնք ստորագրել են Արցախի լուծարման փաստաթուղթը, ամեն ինչ արել են, որ Արցախը լուծարվի, չեմ կարող համարել վերնախավ». Ա. Հովհաննիսյան Հունգարիայի արտաքին գործերի նախարարը ժամանեց Երևան