«Երբեք այսքան հուզված չէի եղել». բացվեցին Ռաֆայել Երանոսյանի ու Լուիզա Ներսիսյանի աստղերը

Կամերային թատրոնում մեկնարկեց 43-րդ թատերաշրջանն ու կայացավ «ԵՐԿԱԹ» մրցանակաբաշխությունը: Հայտնի դարձան տարվա լավագույններն ու չդադարող անձրևի ներքո, հենց թատրոնի մուտքի առջև բացվեցին դերասան Ռաֆայել Երանոսյանի և դերասանուհի Լուիզա Ներսիսյանի աստղերը: Tert.am Life-ը ներկայացրել է երեկոյի անակնկալները, հույզերն ու հետաքրքիր դրվագները: 

 «Ես իմ կյանքի ընթացքում երբեք այսքան հուզված չէի եղել, ինչքան այսօր ու այս պահին, չեմ կարողանում ոչ մի բան ասել, ծառայում եմ թատրոնին»,- հուզմունքը չկարողացավ թաքցնել դերասան Ռաֆայել Երանոսյանը:

«Ինչ մրցանակ էլ ստանամ, պատիվ է ինձ համար, որովհետև իմ սիրելի թատրոնն է կազմակերպում: Կամերային թատրոնում չկան լավագույն դերասաններ, Կամերային թատրոնում կան անհատներ, այստեղ բոլորն անհատ են, ամեն մեկը յուրովի: Բոլորը գույն են, դա Կամերային թատրոնի հիմնադիր Արա Երնջակյանի ձեռքբերումն է»,- Tert.am Life-ի հետ զրույցում նշեց Ռաֆայել Երանոսյանը:

Անակնկալն անսպասելի էր նաև դերասանուհի Լուիզա Ներսիսյանի համար, ում խոսքով՝ այս տարիների ընթացքում թատրոնը դարձել է իր 2-րդ տունը:

«Ես երջանիկ եմ, որ գտել եմ իմ 2-րդ տունը, որը նաև այսօր գնահատական տվեց ինձ, շնորհակալ եմ, և ուրախ եմ, որ կյանքը ինձ բերել է Կամերային թատրոն»,- նշեց Լուիզան:

«Երկաթ» մրցանակաբաշխության ժամանակ տարվա լավագույն դերասան և դերասանուհի ճանաչվեցին Սոնա Մաթևոսյանն ու Ներսես Մարկոսյանը, լավագույն երիտասարդ դերասանուհի մրցանակը ստացավ Էրմինա Զախարովան, իսկ երիտասարդ դերասան՝ Ավետ Զոհրաբյանը: Տարվա լավագույն ներկայացում ճանաչվեց Արա Երնջակյանի «Ծննդյան վկայական»-ը, ամենապահանջված դերասան մրցանակը ստացավ Ռաֆայել Երանոսյանը: Հատուկ մրցանակներ ստացան Հակոբ Ղազանչյանն ու Արմեն Խանդիկյանը: Կամերային թատրոնի վաստակավոր արտիստուհի մրցանակին արժանացավ Քեթրին Մանասյանը, լավագույն երիտասարդ ռեժիսոր՝ Դավիթ Աբրահամյանը և այլն: 

«Մրցանակաբաշխությունն արդեն ավանդույթ է դարձել, ամեն տարի կազմակերպում ենք, համեստ, բայց շատ անկեղծ շնորհակալություն ասելու միջոց է մեր կողմից այն մարդկանց, ովքեր աշխատում են թատրոնում, օգնում են մեզ: Մենք ոչ ոքի հետ չենք համեմատվում, չենք մրցում, պարզապես նշում ենք այն մարդկանց, ովքեր մեր կողքին են ու ներկայացումները դարձնում են արվեստի գլուխգործոցներ»,- նշեց թատրոնի տնօրեն Լուսինե Երնջակյանը:

Ամփոփելով տարին՝ Լուսինեն նշեց, որ տարվա գլխավոր ձեռքբերումը «Ծննդյան վկայական» ներկայացումն էր, որը մեր ինքնության, հային հուզող խնդիրների ու դրանց լուծման մասին է:

«Որոշ ժամանակ առաջ Արա Երնջակյանն ինձ ուրախացրեց, ասելով, որ նոր գործ է սկսել գրել: Ցավոք, դեռ չի բացահայտել ոչ մի դետալ, բայց, երբ ինքը որոշում է նոր գործ գրել, նշանակում է՝ մեզ մի շատ յուրահատուկ բան է սպասվում»,- անկեղծացավ Լուսինե Երնջակյանը:

Թատրոնի հիմնադիր Արա Երնջակյանն էլ մեզ հետ զրույցում նշեց, որ առաջիկայում առնվազն 2 նոր ներկայացում կլինի հանդիսատեսի համար:

«Փակագծերը չեմ բացում, որ աչքով չտան, բայց անակնկալներ անպայման կլինեն»,- նշեց Արա Երնջակյանն ու հավելեց, իմ կյանքն է անցել այստեղ, այս թատրոնում, Կամերային թատրոնը՝ դա իմ կյանքն է»:

Այս թեմայով Արամ Ա Հայրապետը պատրիարք Ռաֆայել Պետրոսի հետ քննարկել է Հայաստանի առջև ծառացած մարտահրավերները Դեպքեր են եղել՝ խուճապից գազի բալոնը շպրտել են դուրս, որտեղ երեխաներ են խաղացել․ Վարդանյան «Ժողովուրդ». 5-րդ կորպուսի հրամանատարին ազատելուց առաջ կորպուսում ներքին տարաձայնություն է եղել Էլեկտրական բարձր լարման հաղորդալարերի գողություն է եղել․ 7 անձ մեղադրյալ է դարձել «Ժողովուրդ». Ընտրակեղծիքներ եղել են եւ լինում են. Փաշինյանը խաբել է. մաս 214 Ինձ ուզում են մանդատից զրկել, ես մշտապես ներկա եմ եղել ավագանու նիստերին․ Երիցյան (տեսանյութ) Տատանումներ ու ցնցումներ Երևանի հ.172 հիմնական դպրոցում․ դաս չի եղել. MediaHub «Օսկար ստանայի, այսքան չէի հուզվի». Էրմինա Զախարովան՝ լավագույն երիտասարդ դերասանուհի դառնալու, համբույրի տեսարանների համար քննադատվելու և ամուսնու արձագանքի մասին․ Tert.am Ստեփանակերտը հիշեցի, միշտ մաքուր էր, ու խոնավ, լավ կլիմայով. Կրասնոդարում էլ նույնն էր, 35 տարի չէի եղել. Նազենի Հովհաննիսյան (լուսանկարներ) «Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով