«Օսկար ստանայի, այսքան չէի հուզվի». Էրմինա Զախարովան՝ լավագույն երիտասարդ դերասանուհի դառնալու, համբույրի տեսարանների համար քննադատվելու և ամուսնու արձագանքի մասին․ Tert.am

«Այդ պահին զգացի այն, ինչ կզգաս, երբ մայրդ ու հայրդ քեզ գովեն, այդ էմոցիոնալ վիճակից էր, որ հուզվեցի ու չկարողացա խոսել: Անսպասելի էր այն, որ իմ թատրոնում ինձ ու իմ աշխատանքը շատ գնահատում են»,- մեզ հետ զրույցում անկեղծացավ դերասանուհի Էրմինա Զախարովան, ով Կամերային թատրոնում կայացած «Երկաթ» մրցանակաբաշխության ժամանակ ճանաչվեց տարվա լավագույն երիտասարդ դերասանուհի:

Էրմինան հեռուստադիտողին հայտնի դարձավ «Ոսկե դպրոց» սիթքոմից:

Համարձակ դերերի, համբույրի ու անկողնային տեսարաններում նկարվելու, վատ մեկնաբանությունների և ամուսնու վերաբերմունքի, ինչպես նաև  տարվա լավագույն երիտասարդ դերասնուհի  անվանակարգում անսպասելի հաղթելու հույզերի մասին դերասանուհին անկեղծացել է Tert.am Life-ի հետ: 

Օսկար ստանայի, այսքան չէի հուզվի ...

13 տարվա ընթացքում «Ինչ տարբերություն, թե ում հետ» ներկայացման մեջ 4 դերասանական կազմ է փոխվել, ինձ համար շատ պարտավորեցնող է, իմ ուսերին ավելի մեծ բեռ է՝ այս ներկայացման մեջ լինել լավագույնը: Լիկա Էլբակյանից հետո նույն դերում լինել լավագույնը, դա ինձ համար հպարտանալու առիթ է: Այս մրցանակն ինձ համար ամենաթանկն էր, եթե Օսկար ստանայի, այսքան չէի հուզվի, որքան, երբ քո թատրոնի կողմից ես այդ գնահատականը ստանում: Մեծ պատիվ է ինձ համար աշխատել Արա Երնջակյանի հետ, պատիվ է աշխատելԿամերային թատրոնում:

Կամերային թատրոնում հայտնվեցի, քանի որ ամուսինս՝ Ժորա Մարտիրոսյանը որպես դերասան աշխատում է այս թատրոնում: Ես եկել, գնացել եմ, Արա և Լուսինե Երնջակյաններն ինձ նկատել են, առաջարկել են դեր փորձել «Համլետ»-ում, որից հետո եղավ այն, ինչ եղավ:

Չեմ պատրաստվում սերիալում չնկարվել ու աշխատել որպես մատուցող

«Գերիներ» սերիալում նկարահանվելուց հետո, երբ կարդում էի մեկնաբանությունները, հասկացա, որ պատկերը չի փոխվել, ինչպես տարիներ առաջ, հիմա ևս բաց տեսարանները հայ հասարակության շրջանում քննադատության են արժանանում: Բայց դա իմ մասնագիտությունն է, ես չեմ պատրաստվում սերիալում չնկարվել ու աշխատել որպես մատուցող: Եթե կերպարային առումով արդարացված է բաց տեսարանը, միանշանակ կխաղամ այդ կերպարները, որոնք ինձ հաճելի են և ինձ մասնագիտական աճ են ապահովելու:  

«Գերիներ»-ից հետո ինձ ինստագրամում մեկնաբանություններ էին գրում՝ «ո՞նց է քո ամուսինեը թողել դու նկարվես», «էս աղջիկը նոր էր ամուսնացել» և այլն: Շատ ուրախ եմ, որ իմ ամուսինը Ժորան է Մարտիրոսյան, ևս այս բնագավառից է, ու մասնագիտական մանրամասները հասկանում է: Շատերը մտածում են, որ համբույրի տեսարանի համար դրսից մեկին կբերեն, կնկարեն, բայց դա մասնագիտություն է, որի համար 4 տարի սովորել եմ ինստիտուտում:

Ասում էի՝ թատրոնում երբեք չեմ խաղա...

Երազանքս է մնալ Կամերային թատրոնում մինչև կյանքի վերջ: Մի անգամ, ծննդյան տարեդարձիս օրը, Արա Երնջակյանն ինձ մաղթեց, որ միշտ Կամերայինի բեմում խաղամ, ու ես մեծ սիրով ընդունում եմ այդ մաղթանքը: Այդ «փոքրիկ» բեմը երբեք չեմ փոխի շատ մեծ դահլիճների հետ: Ուսանողական տարիներին նկարահնվում էի սերիալներում ու ասում էի, որ երբեք թատրոնում չեմ խաղա, բայց, երբ առաջին անգամ մտա Կամերային թատրոն, սիրահարվեցի:

Ոչ մի բանի հետ չեմ փոխի այս թատրոնը:

Այս թեմայով «Խաղաղության պայմանագրի մասին կխոսենք, երբ փաստաթուղթը կլինի ձեռքներիս տակ». Արշակ սրբազան (տեսանյութ) Տավուշում խոզերի համար կեր պատրաստելիս գազի բալոնը պայթել է Մայր Տաճարի բացմանը Փաշինյանի մասնակցության մասին կլինի հավելյալ ծանուցում. Մուշեղ Սրբազան (տեսանյութ) Գլխավոր դատախազը վերացրել է քրեական վարույթը կարճելու մասին որոշումը Աստղագուշակ՝ սեպտեմբերի 17-ի համար ՍԿԱՆԴԱԼ. «Դրա համար պիտի դրանց ռադ անենք, արդեն զզվեցրեցին էդ համբալները». «Սևան» ՔԿՀ պետի տեղակալը՝ արցախցիների մասին Հայկական արտադրության ապրանքների համար՝ նոր հնարավորություն ռուսական շուկայում. «Փաստ» «Պետական շահի մասին խոսք լինել չի կարող». «Փաստ» Ուշագրավ իրադարձություն է սպասվում. Երևանը դառնալու է տեխնոլոգիական առաջատար ընկերությունների ու մասնագետների հիմնական հավաքատեղին. «Փաստ» Թրամփի դեմ մահափորձի մեջ կասկածվողը հավանաբար կամավորներ է հավաքագրել ՌԴ-ի հետ պատերազմի համար. BBC