Հնդկաստանը և ԱՄՆ-ն զորավարժություններ են սկսել Պակիստանի հետ սահմանին

Հնդկաստանի և ԱՄՆ-ի զինծառայողները երկշաբաթյա համատեղ զորավարժություններ են սկսել Հնդկաստանի հյուսիս-արևմուտքում գտնվող Ռաջաստանի նահանգում, որը սահմանակից է Պակիստանին: «Արմենպրես»-ի փոխանցմամբ՝ այս մասին հաղորդում է The Times of India պարբերականը։

«Yudh Abhyas» 20-րդ համատեղ զորավարժություններն սկսվել են Ռաջաստանի Մահաջանի զորավարժարանում: Վարժանքները պլանավորված են սեպտեմբերի 9-ից մինչև 22-ն ընկած ժամանակաշրջանում»։

 Զորավարժություններին կմասնակցի յուրաքանչյուր կողմից շուրջ 600 զինծառայող։

 «Համատեղ զորավարժությունների նպատակն է ամրապնդել երկու կողմերի համատեղ ռազմական ներուժը՝ ահաբեկչության դեմ պայքարի գործողություններ անցկացնելու համար», - պարբերականին հայտնել է Հնդկաստանի ռազմական գերատեսչության ներկայացուցիչը:

Հնդկաստանը և ԱՄՆ-ն պլանավորում են երկու շաբաթվա ընթացքում կատարելագործել համատեղ հակազդումն ահաբեկչական գործողություններին, գործողությունների պլանավորումը և համակցված գործողությունները՝ նմանակելով իրական հակաահաբեկչական առաքելություններին:

Հնդկաստանի և ԱՄՆ-ի համատեղ «Yudh Abhyas» զորավարժություններն անցկացվում են կանոնավոր կերպով և հերթափոխով՝ երկու երկրների տարածքում։ Նախորդն անցկացվել է 2023 թ. սեպտեմբերին Ալյասկայում, իսկ դրանից մեկ տարի առաջ՝ 2022 թ. նոյեմբերին՝ Հնդկաստանի Ուտարաքհանդի նահանգում։

Այս թեմայով Ֆրանսիան կարող է շուտով իմփիչմենթի գործընթաց սկսել Մակրոնի դեմ «Ռոսատոմ»-ը սկսել է Հայկական ԱԷԿ-ի ռադիոակտիվ թափոնների պահեստավորման օբյեկտի ստուգումը Լեհական ընդդիմությունը ստորագրահավաք է սկսել միգրանտների հարցով հանրաքվե անցկացնելու համար Սկսել ենք Թուրքիայի հետ երկխոսություն, արվել են բազմաթիվ փոքր կամ ավելի մեծ քայլեր․ Միրզոյան Ռուսաստանը լայնածավալ հակահարձակում է սկսել Կուրսկի շրջանում. գրոհը շարունակվում է Հնդկաստանը կոչ է անում արագ հասնել Գազայում կրակի դադարեցմանը Հնդկաստանը հայտնել է երկրում կապիկի ծաղիկով հիվանդացության առաջին դեպքի մասին Իսրայելը փակել է բոլոր անցակետերը Հորդանանի հետ սահմանին Հրաձգություն Հորդանանի և Իսրայելի սահմանին․ կան զոհեր Զախարյանը սկսել է մարզվել անհատական ծրագրով