Գարեգին 2-րդը ՀՀ իշխանության ներկայացուցիչներին հրավիրել է Էջմիածնի տաճարի վերաօծմանը

Ն.Ս.Օ.Տ.Տ. Գարեգին Բ ամենայն հայոց կաթողիկոսը, չնայած ՀՀ իշխանությունների հետ տարաձայնություններին, հրավիրել է նրանց Էջմիածնի տաճարի վերաօծման արարողությանը։ Այս մասին Sputnik Արմենիային հայտնում են Հայ առաքելական սուրբ եկեղեցու աղբյուրները։

Մյուռոնօրհնեքը տեղի է ունենալու սեպտեմբերի 28-ին, իսկ տաճարի վերաօծման արարողությունը` սեպտեմբերի 29-ին։

Նիկոլ Փաշինյանից և Վահագն Խաչատուրյանից դեռ պաշտոնական տեղեկություն չկա` արդյոք նրանք կմասնակցեն արարողությանը, թե ոչ: Ալեն Սիմոնյանը սեպտեմբերի 9-ին հրապարակավ հայտարարեց, որ հրավեր ստացել է, սակայն չի կարող մասնակցել, քանի որ պաշտոնական այցով լինելու է Կանադայում:

Օգոստոսի վերջին վարչապետի աշխատակազմը հայտնել էր, որ մինչ օրս Մայր աթոռից հրավեր չի ստացել` մասնակցելու Մայր տաճարի վերաօծման և մյուռոնօրհնեքի արարողություններին։

Նշենք, որ Հայ առաքելական սուրբ եկեղեցու և ՀՀ վարչապետ Նիկոլ Փաշինյանի կառավարության միջև առկա տարաձայնությունների մասին սկսել են խոսել 2018 թվականին նրա իշխանության գալուց անմիջապես հետո։ Որոշ փորձագետներ ենթադրում էին, որ հենց իշխանություններն են հրահրել Գարեգին Բ կաթողիկոսի դեմ տարվող շարժումը։

Եկեղեցու և ՀՀ իշխանությունների միջև եղած խնդիրներն ավելի սրվեցին 44-օրյա պատերազմից հետո, երբ հոգևորականները պահանջեցին վարչապետի և նրա թիմի հրաժարականը։

Իրավիճակն էլ ավելի լարվեց 2024 թվականի ապրիլի 19-ից հետո, երբ ՀՀ ԱԳՆ-ն հայտարարեց Ադրբեջանի հետ Տավուշի մարզից սահմանների դելիմիտացիա սկսելու համաձայնագրի մասին։ Ի պատասխան` Տավուշի թեմի առաջնորդ Բագրատ արքեպիսկոպոս Գալստանյանն գլխավորեց բողոքի շարժումը և երթով շարժվեց դեպի Երևան:

Նիկոլ Փաշինյանը մայիսի 7-ին կայացած մամուլի ասուլիսում հայտարարեց, որ Ամենայն հայոց կաթողիկոսը փաստացի ղեկավարում է քաղաքական շարժում։ Նա նաև ընդգծել էր, որ շարժման նպատակն էլ նախորդ իշխանություններին ՀՀ–ում իշխանության բերելն է և վստահեցրել` այդ ամենի սցենարը գրել է ՀՀ երկրորդ նախագահ Ռոբերտ Քոչարյանը։

Այս թեմայով «Տաճարի վերաօծմանը հրավիրել ենք իշխանությանը, միայն ԱԺ նախագահից ենք պատասխան ստացել՝ չի մասնակցի». Արշակ Սրբազան (տեսանյութ) Մայր Տաճարի բացմանը Փաշինյանի մասնակցության մասին կլինի հավելյալ ծանուցում. Մուշեղ Սրբազան (տեսանյութ) Իշխանությունն Արցախի հետ տեղի ունեցածի պատասխանատվությունն ուզում է բաշխել բացառապես արցախցիների վրա. Տիգրան Աբրահամյան Զորամասերում Գարեգին Նժդեհին որպես դավաճան, խեղկատակ են ներկայացնում. Գեղամ Մանուկյան Գարեգին Նժդեհի հրապարակում կրակել են թիվ 42 երթուղու ավտոբուսի վրա Կեղծ են ՀՀ իշխանության պնդումները, թե Ռուսաստանը մեզանից արտատարածքային միջանցք է ուզում․ քաղաքագետ Մեկ օր բարձրաստիճան զինվորականի հետ․ ՊՆ-ի տեսանյութը՝ գեներալ-մայոր Գարեգին Պողոսյանի մասին (տեսանյութ) ՈւՂԻՂ. Խաչվերացի տոնի պատարագն Էջմիածնի Ս. Գայանե վանքից Ինձ չեն հրավիրել Մայր Տաճարի վերաօծմանը. Արմավիրի մարզպետ (տեսանյութ) ՔՊ-ն հակապետական քարոզ է անում՝ հանուն իշխանության․ «Հրապարակ»