Արագածոտնի, Լոռու և Արարատի մարզերում 29 մլն դրամի հափշտակության դեպքի քրեական գործը դատարանում է

Դատախազը 2024 թվականի սեպտեմբերի 9-ին հաստատել է Արագածոտնի, Լոռու և Արարատի մարզերի 25 բնակիչներից խարդախությամբ շուրջ 29 մլն դրամի հափշտակություն կատարելու համար մեղադրվող անձի վերաբերյալ մեղադրական եզրակացությունը և վարույթի նյութերը հանձնել իրավասու դատարան:

Քրեական վարույթով պարզվել է, որ Հ.Թ.-ն.

2022 թվականի մայիսից օգոստոսն ընկած ժամանակահատվածում, այցելել է Արագածոտնի մարզի Ճարճակիս, Ջամշլու և Ավշեն բնակավայրեր, տեղի բնակիչներին ներկայացել որպես գյուղատնտեսական ապրանքների մթերումով զբաղվող անձ: Գյուղմթերք, մանր ու խոշոր եղջերավոր անասուններ գնելու, գումարը մի քանի օրից վճարելու կեղծ խոստումով՝ վերոնշյալ բնակավայրերի 20 բնակիչների հետ կնքել է առուվաճառքի կամ փոխառության պայմանագրեր՝ խարդախությամբ հափշտակելով 21 մլն 782 հազար դրամի գյուղմթերք, մանր ու խոշոր եղջերավոր անասուններ:

2022 թվականի սեպտեմբերի 27-ից հոկտեմբերի 12-ն ընկած ժամանակահատվածում, այցելել է Արարատի մարզի Վեդի քաղաքում գտնվող՝ Հ.Մ.-ին պատկանող չրերի արտադրամաս և ներկայացել որպես անհատ ձեռնարկատեր: Գումարը մի քանի օրից վճարելու կեղծ խոստումով՝ Հ.Մ.-ի հետ կնքել է առուվաճառքի պայմանագիր՝ խաբեությամբ հափշտակելով 1 մլն 497 հազար դրամ արժողությամբ 416 կգ չիր։

Նույն եղանակով Արագածոտնի մարզի Ավան բնակավայրի բնակչից խաբեությամբ հափշտակել է 127 հազար դրամ արժողությամբ 66 կգ ընկույզ:

2023 թվականի սեպտեմբերի 18-ից 21-ն ընկած ժամանակահատվածում, Լոռու մարզի Սպիտակ համայնքի Ծաղկաբեր բնակավայրի 3 բնակիչներից խարդախությամբ հափշտակել է 4 մլն 725 հազար դրամի մանր ու խոշոր եղջերավոր անասուններ:

Դատախազը 2024 թվականի օգոստոսի 5-ին Հ.Թ.-ի նկատմամբ հարուցել է հանրային քրեական հետապնդում՝ Քրեական օրենսգրքի 255-րդ հոդվածի 3-րդ մասի 3-րդ կետով (առանձնապես խոշոր չափերով խարդախություն), 255-րդ հոդվածի 2-րդ մասի 3-րդ կետով (2 դրվագ) (խոշոր չափերով խարդախություն) և 255-րդ հոդվածի 1-ին մասով (խարդախություն՝ խաբեության կամ վստահությունը չարաշահելու եղանակով հափշտակություն):

Հ.Թ.-ի նկատմամբ որպես խափանման միջոց է կիրառված կալանքը:

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Հնդկաստանի երկու քաղաքացի կալանավորվել է Հայաստանում թմրամիջոցների ապօրինի շրջանառության մեղադրանքով Դիմակավորված անձինք Դիլիջանի «Հոթել իքս» հյուրանոցից գողացել են 14 հեռուստացույց․ հասցվել է մոտ 1 մլն դրամի վնաս 26-ամյա երիտասարդի սպանության վարույթով 7-ի նկատմամբ քրեական հետապնդում է հարուցվել, 3-ը՝ կալանք Գլխավոր դատախազը վերացրել է քրեական վարույթը կարճելու մասին որոշումը «Ժողովուրդ». Սերժ Սարգսյանի գործը քննող դատավոր Միսակյանի լիազորությունները կդադարեցվե՞ն Դատավորի ցուցաբերած վարքագիծը վկայում է, որ այս գործը պիտի շատ արագ ավարտվի. Հրայր Թովմասյան (տեսանյութ) Այս քրեական գործը հարուցվել է շուկայում Վալոդի ու Արտաշի պատմածների հիման վրա. Հրայր Թովմասյան (տեսանյութ) Մշտադիտարկվել են Արարատի մարզի մի շարք հուշարձաններ Ամենայն Հայոց Կաթողիկոսն ընդունել է Միջազգային քրեական դատարանի նախկին դատախազին Ջրանջատում՝ Երևանում և մարզերում. հասցեներ