Հորեղբորս մարմինը այդպես էլ չգտնվեց՝ Նոր Գվինեայի մարդակերների պատճառով. Բայդեն

ԱՄՆ նախագահ Ջո Բայդենը ենթադրել է, որ ամերիկյան զորքերը չեն կարողացել գտնել իր հորեղբոր՝ Ամբրոզ Ֆիննեգանի մարմինը, ով զոհվել է Երկրորդ համաշխարհային պատերազմի ժամանակ Նոր Գվինեայի մերձակայքում՝ ավիավթարի հետևանքով, չեն կարողացել գտնել մարդակերների պատճառով։ Նախագահի խոսքերը մեջբերել է Սպիտակ տան մամուլի ծառայությունը։

«Իմ հորեղբայրը՝ Ամբրոզը, հետախուզական նպատակներով թռչում էր միաշարժիչ ինքնաթիռներով, նա գնդակահարվեց Նոր Գվինեայում, և նրա մարմինը այդպես էլ չգտնվեց, քանի որ Նոր Գվինեայի այդ հատվածում իսկապես շատ մարդակերներ կային», - ասել է Բայդենը:

CNN-ը նշում է, որ Բայդենի վարկածը տարբերվում է ԱՄՆ պաշտպանության նախարարության հրապարակած զեկույցից։ Պենտագոնի տվյալներով՝ Ֆիննեգանի ինքնաթիռը ուղևորվում էր դեպի Նոր Գվինեա, որն այն ժամանակ կառավարում էր Ավստրալիան, և «անհայտ պատճառներով ստիպված է եղել վթարային ջրային վայրէջք կատարել» կղզու ափերի մոտ։ Նշվում է, որ ինքնաթիռում գտնվող երեք տղամարդ «չեն կարողացել դուրս գալ խորտակված ինքնաթիռից և զոհվել են վթարի հետևանքով»։

Բայդենը, ով 81 տարեկան է, հաճախ է իր հրապարակային ելույթներում լեզվական տարբեր սայթաքումներ և բանավոր կոպիտ սխալներ թույլ տալիս։ Հանրապետականները դա օգտագործում են կուսակցական պայքարում, որպեսզի կասկածի տակ դնեն պետության ղեկավարի մտավոր և ֆիզիկական կարողությունները՝ շարունակելու ղեկավարել Միացյալ Նահանգները: