Barerar.am` նոր հարթակ, որը հնարավորություն է տալիս անմիջականորեն և առանց միջնորդի օգնել կարիքավոր ընտանիքներին

«Վարդանյան Ընտանիք» բարեգործական հիմնադրամի նախաձեռնությամբ և ֆինանսավորմամբ գործարկվել է բարեգործական նոր հարթակ՝ Barerar.am կայքը և հավելվածը, որի նպատակն է հնարավորություն ստեղծել առանց միջնորդի օգնելու կարիքավոր ընտանիքներին: 

Հարթակում ներկայացվում են երեխա ունեցող նպաստառու (սոցիալապես անապահով), ծայրահեղ ծանր պայմաններում գտնվող ընտանիքներ: Բարերարից օգնությունը ընտանիքներին հասնում է անմիջականորեն՝ առանց որևէ ֆիզիկական անձի կամ կազմակերպության միջնորդության:  

Ընտանիքներին օգնելու համար յուրաքանչյուր անձ կարող է կատարել գումարի փոխանցում ընտանիքի ծնողի հաշվեհամարին կամ IDram, TelCell վճարային համակարգերի միջոցով:  Այն քաղաքացիները, ովքեր ցանկություն կունենան  ընտանիքի հետ ծանոթանալ, կարող են զանգահարել հարթակում ներկայացված հեռախոսահամարով, կատարել տեսազանգ, կամ անմիջապես այցելել ընտանիքին՝ հարթակում նշված հասցեով:  

«Վարդանյան Ընտանիք» բարեգործական հիմնադրամը առաջինն է օգնություն ցուցաբերում՝ յուրաքանչյուր ընտանիքին տրամադրելով 500 000 դրամ:  

Այս հարթակը, բացի կարիքավոր ընտանիքներին օգնելուց, հնարավորություն է տալիս բացահայտելու մեզանից յուրաքանչյուրին: Սա փորձություն է բոլորիս համար՝ հասկանալու, թե որքան ենք մենք գթասիրտ, հոգատար, կարեկից և ուշադիր մեր կողքն ապրող և մեր օգնության կարիքն ունեցող ընտանիքների հանդեպ: Այսպես, շաբաթը 1 անգամ յուրաքանչյուր կարիքավոր ընտանիքի փոխանցելով առնվազն 1000-ական դրամ՝ մեզանից յուրաքանչյուրը կարող է մաս կազմել բարեգործության և օգնել ընտանիքներին դուրս գալ ծայրահեղ ծանր պայմաններից և նոր կյանք սկսելու հնարավորություն տալ այն երեխաներին, ովքեր, անկախ իրենց կամքից, դարձել են այդ դառը ճակատագրի կրողը: 

Barerar.am կայքը և հավելվածը չեն հետապնդում որևէ ֆինանսական շահ և չեն գանձում միջնորդավճար: Փոխանցած գումարն ամբողջությամբ հասնում է կարիքավոր ընտանիքին: 

Այս թեմայով Եթե տեսնենք ԵՄ-ի լիիրավ անդամ դառնալու շատ թե քիչ իրատեսական հնարավորություն, այդ պահը հաստատ բաց չենք թողնի. Փաշինյան ՀՀ քաղաքացիներն իրենց վրացական մեքենաներով Բավրայից կարող են մտնել ՀՀ առանց գրավի` Վրաստանում կացության վկայականի հիման վրա Քշում են ոչ սթափ, առանց վարորդական իրավունքի. Պահպանվող հատուկ տարածք է տեղափոխելով 179 մեքենա Հայկական արտադրության ապրանքների համար՝ նոր հնարավորություն ռուսական շուկայում. «Փաստ» Ռուսաստանում առանց մակնշման հագուստի վաճառքը կարգելվի Հարատև խաղաղության պատմական հնարավորություն կա, համաձայնեցրել ենք տեքստի 80%-ը. Փաշինյան (տեսանյութ) Անտիբիոտիկ եք օգտագործո՞ւմ, բա մեղրը ո՞նց եք պահում, բայց չեմ առնելու, ՀԴՄ չեք տալիս. Փաշինյան (տեսանյութ) Արշակ Սրբազանի ազդեցիկ քարոզը. «Չկա՛ համերաշխություն՝ առանց հոգևոր, գաղափարական ընդհանրության» (տեսանյութ) Գերասիմ Վարդանյանի կալանքը երկարացվեց ևս մեկ ամսով` առանց նոր հիմնավոր փաստարկի. փաստաբան «Հրապարակ». Առանց հայհոյանքի ու վեճերի. ի՞նչ է փոխվել