Ես ապօրինի ենթարկվել եմ քրեական հետապնդման․ Հրայր Թովմասյան (տեսանյութ)

ՍԴ նախկին նախագահ Հրայր Թովմասյանը պնդում է՝ իր նկատմամբ իրականացվող հետապնդումն ի սկզբանե ապօրինի է եղել։ «Փաստինֆո»-ի թղթակցի հաղորդմամբ՝ Երևանի ընդհանուր իրավասության քրեական դատարանում՝ դատավոր Տաթևիկ Գրիգորյանի նախագահությամբ, այսօր շուրջ վեց ժամ տևողությամբ նիստի ընթացքում պաշտպանական ճառով է հանդես եկել Հրայր Թովմասյանը՝ խոսելով իր դեմ իրականացվող հետապնդման քաղաքական դրդապատճառների․ ինչպես նաև՝ դրա անօրինականության մասին։ Պաշտպանական ճառում առավել ուշագրավ դրվագներից մեկը կապված էր Վերաքննիչ քրեական դատարանի որոշման հետ, որով դատարանն արձանագրել էր, որ իր նկատմամբ փաստացի հետապնդում իրականացվել է՝ առանց գործառութային անձեռնմխելիության հաղթահարման, դատական ակտը, սակայն, դատարան ուղարկված գործի նյութերի հետ չի տրամադրվել, ըստ նրա՝ դատախազությունը թաքցրել է այդ հանգամանքը։

«Ես ապօրինի ենթարկվել եմ քրեական հետապնդման։ Այս ամբողջ գործընթացը եղել է ապօրինի։ Եթե նայենք գրեթե բոլոր՝ 95 տոկոս նյութերը, ապա դրանք բոլորը ձեռք են բերվել մինչև դեկտեմբերի 27-ը, դրան հաջորդող ժամանակահատվածում ոչինչ չեք տեսնի։ Դատական ակտերով արձանագրվել է, որ ես ենթարկվել եմ քրեական հետապնդման, ինչի իրավունքը չունեին»,- նշել է Թովմասյանը, ապա՝ առաջարկել՝ «կարճեք գործը հենց այս պահից, Դուք էլ կպրծնեք, ես էլ»։

Հրայր Թովմասյանի խոսքով՝ Իր իրավունքները խախտվել են, նա ենթարկվել է քրեական հետապնդման և կանգնել դատարանի առջև, ինչը նաև ՍԴ հեղինակության վրա է ազդում։

«Իմ այստեղ գտնվելը ՍԴ հեղինակազրկում է և իմ այստեղ գտնվելու համար ՍԴ-ն պետք է համաձայնություն տար։ Իմ դեպքում, սակայն, մեկ քննիչ որոշել է, որ իմ նկատմամբ պետք է հետապնդում իրականացվի, փաստացի մեղադրանք է առաջադրել, ես այս 4,5 տարի ասյ ամբողջ պրոցեսով անցել եմ, բայց ՍԴ դատավոր եմ։ Այս ամբողջը նորմալ չէ»,- ասել նա։

Թովմասյանը խոսեց նաև իր բնակարանում իրականացված խուզարկություններից, որոնք իր պնդմամբ՝ ապօրինի են իրականացվել, նա նշել է՝ քննիչները բնակարանում խուզարկություն են կատարել` ցանկանալով գտնել լիազորագիր առ այն, որ վարձակալության տրված գույքերը պատկանում են իրեն։

«Այսինքն՝ որոշել եք, որ ձեր ՍԴ նախագահը, իրավաբանական գիտությունների դոկտոր, էդ լիազորագիրը իր տա՞նն է պահել»,-տարակուսանքով ասա Հրայր Թովմասյանը, ապա նկատեց, որ ցուցմունքներում չեն գտնի նման բան։

Բացի այդ, խուզարկությունների ժամանակ լուսանկարել են իր ննջարանը՝ հույս ունենալով 8 մլն-ը գերազանցող գույք գտնել, ինչը ևս չի ստացվել։

«Անգամ երկրորդ խուզարկության բուն նպատակն ուրիշ է եղել։ Եկել են ձեռի հետ նկարեն, հետո կտան փորձագետի, տեսնեն՝ 8 մլն-ից ավելի է, թե չէ։ Վստահ եմ՝ տվել են, փորձագետն ասել է, ժողովուրդ ամոթ է էլի»,-ասաց Թովմասյանը՝ համոզմունք հայտնելով, որ գործից մոռացել են հանել իր ննջարանի լուսանկարները։

Հիշեցնենք, որ ՍԴ նախկին նախագահ, ՍԴ դատավոր Հրայր Թովմասյանի վերաբերյալ քրեական գործը Երևանի ընդհանուր իրավասության դատարանի դատավոր Տաթևիկ Գրիգորյանի վարույթում է 2020թ․ մարտ ամսից։ Թովմասյանը մեղադրվում է ՀՀ քրեական օրենսգրքի (2003թ․) 308-րդ հոդվածի հատկանիշներով՝ պաշտոնեական լիազորությունները չարաշահելու մեջ։ Նույն քրեական գործով մեղադրյալի կարգավիճակում է նաև Թովմասյանի սանիկը՝ Նորայր Փանոսյանը, որը մեղադրվում է ՀՀ ՔՕ-ի (2003թ․) 308-րդ հոդվածի 2-րդ մասով, այն է՝ պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ։ Փանոսյանի վերաբերյալ դրվագը դատարանը բոլորովին վերջերս առանձնացրել է՝ նշելով, թե նրա առողջական խնդիրների պատճառով դատական նիստերը պարբերաբար հետաձգվում են։

Այս թեմայով Հնդկաստանի երկու քաղաքացի կալանավորվել է Հայաստանում թմրամիջոցների ապօրինի շրջանառության մեղադրանքով Երևան-Սևան ավտոճանապարհից բերման է ենթարկվել 15 անձ 26-ամյա երիտասարդի սպանության վարույթով 7-ի նկատմամբ քրեական հետապնդում է հարուցվել, 3-ը՝ կալանք Բագրատունյաց փողոցում 2 տղամարդ է բերման ենթարկվել. նրանցից մեկի պայուսակում զենք է հայտնաբերվել Գլխավոր դատախազը վերացրել է քրեական վարույթը կարճելու մասին որոշումը Հրայր Թովմասյանի դատական նիստը տեղափոխվեց, դատական նիստին առողջական խնդիր ունեցավ Կանխվել է ապօրինի փայտանյութի քողարկված տեղափոխումը. ԲԸՏՄ Դատավորի ցուցաբերած վարքագիծը վկայում է, որ այս գործը պիտի շատ արագ ավարտվի. Հրայր Թովմասյան (տեսանյութ) Այս քրեական գործը հարուցվել է շուկայում Վալոդի ու Արտաշի պատմածների հիման վրա. Հրայր Թովմասյան (տեսանյութ) Ես էդ կինոյի տղան չեմ. էդ մարդը 12 անգամ ցուցմունք է տվել. ուզել է խուսափել կալանավորումից. Թովմասյան (տեսանյութ)