Գինու զբոսաշրջությունը նպաստում է ներդրումների ներհոսքին. Գևորգ Պապոյան

Սեպտեմբերի 12-ին էկոնոմիկայի նախարար Գևորգ Պապոյանը մասնակցել է ՄԱԿ-ի գինու զբոսաշրջության 8-րդ համաշխարհային համաժողովի պաշտոնական բացմանը:

Միջոցառմանը մասնակցել են նաև նախարարի տեղակալ Արման Խոջոյանը, ՀՀ ԷՆ Զբոսաշրջության կոմիտեի նախագահի պաշտոնակատար Սուսաննա Հակոբյանը և ՀՀ խաղողագործության և գինեգործության հիմնադրամի տնօրեն Զարուհի Մուրադյանը:

«Գաղտնիք չէ, որ մենք բոլորս կանգնած ենք ավանդույթի և նորարարության խաչմերուկում, և մեր այսօրվա համաժողովը վկայում է, որ գինու զբոսաշրջությունը, միաձուլելով այս երկու ուղղությունները, մեծացնում է իր նշանակությունը թե՛ որպես տնտեսական զարգացման կարևոր գործոն և թե՛ որպես կամուրջ, որը կապում է մշակույթները, խթանում է կայուն գործելակերպը և հարստացնում մեր փորձը:

Գինու զբոսաշրջությունը, անմիջական կապ ունենալով մեր երկրի բազմադարյա մշակույթի և պատմության հետ, միաժամանակ նպաստում է ներդրումների ներհոսքին, ենթակառուցվածքների զարգացմանը և, ինչու ոչ, նաև համաչափ տնտեսական զարգացմանը:

Հայաստանի Կառավարության հանձնառությունն է ընդլայնել այս առավելությունները՝ ներդրումներ կատարելով ենթակառուցվածքներում, աջակցելով տեղական արտադրողներին և խթանելով կայուն գործելակերպերը, որոնք ապահովում են մեր գինեգործական շրջանների երկարակեցությունն ու կայուն զարգացումը»,- նշել է նախարարը իր ողջույնի խոսքում:

Եռօրյա համաժողովի ընթացքում նախատեսվում են պանելային քննարկումներ՝ ստեղծելու համագործակցության և նոր հնարավորությունների հարթակ, որը հնարավորություն կտա կիսվելու լավագույն փորձով, մշակելու նոր գաղափարներ և ստեղծելու գինու զբոսաշրջության ավելի համահունչ ու դինամիկ փորձ:

Համաժողովին մասնակցում էին ՄԱԿ-ի Զբոսաշրջության համաշխարհային կազմակերպության գլխավոր քարտուղար Զուրաբ Պոլոլիկաշվիլին, կազմակերպության անդամ պետությունների զբոսաշրջության ոլորտի լիազոր մարմինների ղեկավարներ և ներկայացուցիչներ, գինու զբոսաշրջության ոլորտի ավելի քան 20 երկրի 120 ներկայացուցիչ, մասնավոր և այլ շահագրգիռ կողմեր:

Այս թեմայով ՀՀ-ն, ի տարբերություն տրանսգենդերների մրցույթի, դավաճանների մրցույթին կարող է ուղարկել ոչ թե մեկ մարդ, այլ մի ամբողջ թիմ. Գևորգ Բարսեղյան «Որոշ ընկերություններ խաղողը 140–150 դրամով են մթերում, ինչը համարվում է բավականին բարձր գին». Պապոյան Հոկտեմբերի 5-ին Արենիում կանցկացվի Գինու Փառատոնը Հայաստանում կանցկացվի Գինու զբոսաշրջության 8-րդ համաշխարհային համաժողովը Գևորգ Մկրտչյանի և Քրիստինա Հովհաննիսյանի նոր լուսանկարները Հերթական տապալված «բարեփոխումը». հերթեր մետրոպոլիտենում. Գևորգ Ստեփանյան Riga Technical University Open 2024․ Գևորգ Հարությունյանը 2-րդն է Թափոններից առաջացած թունավոր ծուխը տարածվում է ամբողջ Երևան քաղաքով․ Գևորգ Ստեփանյան Գրոսմայստեր Գևորգ Հարությունյանը կայծակնային շախմատի միջազգային մրցաշարում զբաղեցրել է 2-րդ տեղը Խնդրանքս և խորհուրդս մի մոլորյալի. Գևորգ Պետրոսյանը դիմում է Տիգրան Ավինյանին (տեսանյութ)