«Արմենիա» 8-րդ միջազգային երաժշտական փառատոն. բացահայտել Հայաստանը դասական երաժշտության միջոցով

Համաշխարհային դասական ստեղծագործություններ՝ 8-րդ ամենամյա «Արմենիա» միջազգային երաժշտական փառատոնին․ սեպտեմբերի 16-ին մեկնարկում է նաև Հայաստանի պետական սիմֆոնիկ նվագախմբի 19-րդ համերգաշրջանը: Մինչև հոկտեմբերի 28-ը շարունակվող այս փառատոնն արդեն 8-րդ անգամ համախմբում է դասական երաժշտության սիրահարներին և նվիրում երաժշտական տոն Հայաստան այցելող զբոսաշրջիկներին։

Հայաստանի պետական սիմֆոնիկ նվագախմբից հայտնում են, փառատոնը դասական երաժշտության սիրահարներին կներկայանա հարուստ համերգային երկացանկով և աշխարհում մեծ ճանաչում ունեցող երաժիշտներով՝ դասական և ժամանակակից կոմպոզիտորների ստեղծագործություններ՝ համաշխարհային դասականների կողքին ներկայացնելով նաև հայ հեղինակների ստեղծագործություններ,  ինչը կարևոր առաջնահերթություն է Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի համար։ 

Հինգ սիմֆոնիկ համերգին ռուս և եվրոպացի կոմպոզիտորներ Կամիլ Սեն-Սանսի‚ Ֆելիքս Մենդելսոնի‚ Պյոտր Չայկովսկու‚ Սերգեյ Ռախմանինովի‚ Ալեքսեյ Շորի կողքին կհնչեն նաև հայ հեղինակների՝ Գրիգոր Եղիազարյանի‚ Ալեքսանդր Սպենդիարյանի‚ Էդվարդ Միրզոյանի‚ Տիգրան Մանսուրյանի‚ Էդուարդ Հայրապետյանի‚ Արմեն Սմբատյանի ստեղծագործությունները։

Այս տարի ևս փառատոնի ընթացքում երևանյան բեմ կբարձրանան հանրահայտ դաշնակահարներ Եկվոն Սունվուն‚ Հայկ Մելիքյանը‚ Նիկիտա Մնդոյանցը‚ թավջութակահար Մաքսիմիլիան Հորնունգը‚ ջութակահար Սթիվեն Ուորթսը: Նրանցից շատերը մեր երկրում կլինեն առաջին անգամ։ Հեղինակավոր երաժիշտները նաև վարպետության դասեր կանցկացնեն «Երաժշտություն հանուն ապագայի» հիմնադրամի սաների համար՝ պատանի երաժիշտներին փոխանցելով իրենց հմտությունները։ Համերգները կղեկավարեն դիրիժորներ Սերգեյ Սմբատյանը‚ Նաբիլ Շեհատան‚ Լուիս Անդրադեն, Ռեմի Դյուրուն:

«Արմենիա» միջազգային երաժշտական փառատոնն իրականացվում է Զբոսաշրջության կոմիտեի աջակցությամբ: «Արմենիա» միջազգային երաժշտական փառատոնը հիմնադրվել է 2017 թվականին՝ Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի ջանքերով:

Փառատոնի համերգներին կարող եք ծանոթանալ այստեղ։

Այս թեմայով Չնայած ՌԴ սպառնալիքներին, Հայաստանը շարունակում է իր ուղին դեպի ազատություն. Ֆրանսիայի ԱԳ նախարար Ամենայն Հայոց Կաթողիկոսն ընդունել է Միջազգային քրեական դատարանի նախկին դատախազին Նիկոլական տրանսգենդերը ներկայացնելու է Հայաստանը տրանս-«գեղեցկության» միջազգային մրցույթին. Ռուբեն Մելիքյան Հայաստանը մեծ պատվով ներկայացնելու եմ ես. տրանսգենդերը մասնակցելու է գեղեցկության մրցույթին Վարչապետը տիկնոջ հետ այցելել է Գյուղական կյանքի և ավանդույթների 11-րդ փառատոն Հայաստանը ներկայացնող թենիսիստուհի Էլինա Ավանեսյանը մամուլի ասուլիս կտա Տեսանելի ապագայում Հայաստանը ԵՄ անդամ չի դառնա, եթե անգամ 10 հանրաքվե անցկացվի. Արա Պողոսյան «Եվրոպական ժառանգության օրերը» Հայաստանում մեկնարկել է Արենիում անցկացվող Արհեստների միջազգային փառատոնով Բրյուսելում տեղի է ունեցել երաժշտական երեկո՝ նվիրված Արցախին ու արցախահայությանը Հայաստանը դիմել է Հնդկաստանին՝ հնդկական հրթիռների գնման առաջարկով