Շիրակի մարզպետարանի կրթության վարչության պետի հետ ձերբակալվածներից մեկը կին է․ մանրամասներ․ Aravot.am

Տեղեկացրել ենք, որ երեկ վաղ առավոտյան Հակակոռուպցիոն կոմիտեում քննվող քրեական վարույթի շրջանակում ձերբակալել էին Շիրակի մարզպետարանի կրթության, մշակույթի, սպորտի վարչության պետ Հրայր Կարապետյանին։ Հակակոռուպցիոն կոմիտեն հաստատել էր լուրը՝ հավելելով, որ ձերբակալվել են նաև դպրոցներից մեկի տնօրեն ու փոխտնօրենը։ Aravot.am-ին հայտնի դարձավ, որ ձերբակալվածներից մեկը Արթիկ խոշորացված համայնքի Հայկասար գյուղի դպրոցի փոխտնօրենն է, որի վրա այս պահին դրված են տնօրենի ժՊ-ի պարտականությունները, մյուսը՝ վարչատնտեսական գծով տնօրենն է։ Ինչպես տեղեկանում ենք Շիրակի մարզպետարանի պաշտոնական կայքից, Հայաստանի Հանրապետության Շիրակի մարզի «Հայկասարի հիմնական դպրոց» պետական ոչ առևտրային կազմակերպության տնօրենի պաշտոնի թափուր տեղը զբաղեցնելու համար այս պահին հայտարարված է մրցույթ։

Երկար տարիներ տնօրենի պաշտոնը զբաղեցնող Նվեր Խաչատրյանի պաշտոնավարման ժամկետը լրացել է, հայտարարվել է մրցույթ։ Դպրոցի տնօրենի ժ/պ են նշանակել փոխտնօրենին, իսկ Նվեր Խաչատրյանին նշանակել են վարչատնտեսական գծով տնօրեն։ Ի դեպ, այս դպրոցն այն մեկն է Շիրակի մարզի 48 դպրոցներից, որոնք օպտիմալացման ենթակա են, ընդգրկված են հարևան դպրոցների հետ միավորվելու կառավարության ծրագրում։ ԿԳՄՍ նախարար Ժաննա Անդրեասյանի՝ 2023 թվականի սեպտեմբերի N 11-ի 1790 Ա/2 հրամանով հաստատվել է «ՀՀ կրթական որակյալ ծառայությունների ապահովման հասանելիության ծրագրում ներառված պետական հանրակրթական ուսումնական հաստատությունների ցանկը»։ Այդ ցանկում ՀՀ 232 դպրոցներ են ընդգրկված, որոնցից 48-ը Շիրակի մարզի դպրոցներ են։

Նունե ԱՐԵՎՇԱՏՅԱՆ

Այս թեմայով Ինչո՞ւ Փաշինյանը չի հիշում այն փաստաթուղթը, որը ստորագրել է 2020 թվականի պատերազմի ավարտին. aravot.am ՔՊ վարչության նիստում քննարկվել են Սիսիանի ավագանու «Քաղաքացիական պայմանագիր» խմբակցության աշխատանքներին առնչվող հարցեր «Վստահ էի՝ Աստծո տված է, Աստված իրեն պահելու է. մեկը դուռս չբացեց, չասաց, թե ինչ եղավ, ինչու իմ տղան չկա». հրետանավոր Նարեկ Հայրապետյանն անմահացել է 2022 թ. սեպտեմբերի 13-ին. «Փաստ» ՍԿԱՆԴԱԼ. «Դրա համար պիտի դրանց ռադ անենք, արդեն զզվեցրեցին էդ համբալները». «Սևան» ՔԿՀ պետի տեղակալը՝ արցախցիների մասին Ինչու է ID քարտ «հանելը» դարձել մեծ խնդիր. մանրամասներ Երևանի մի շարք հասցեներում գազ չի լինի․ մանրամասներ Խոյ համայնքը կահույք է գնել շուկայականից թանկ գնով. «Ժողովուրդ» Շիրակի մարզում խոշոր ավտովթար է տեղի ունեցել․ 6 վիրավոր կա Կալանավորվել են Շիրակի մարզպետարանի պաշտոնատար անձը և դպրոցներից մեկի տնօրենը Նոր մանրամասներ՝ Վանաձորի համայնքապետարանում տեղի ունեցած չարաշահումների գործով․ 18 միլիոն դրամի հափշտակություն