ՀՀ դպրոցականները բրոնզե մեդալ են նվաճել արհեստական բանականության առաջին միջազգային օլիմպիադայում

ՀՀ դպրոցականները 1 բրոնզե մեդալ են նվաճել արհեստական բանականության (ԱԲ) առաջին միջազգային օլիմպիադայում, որն անցկացվել է սեպտեմբերի 8-12-ն Սաուդյան Արաբիայի Ռիադ քաղաքում: Այս մասին հաղորդում են ԿԳՄՍՆ-ից:

Օլիմպիադային մասնակցել է 25 երկրի 90 աշակերտ. յուրաքանչյուր երկիր կարող էր ներկայացնել առավելագույնը 4 աշակերտ։

Օլիմպիադային Հայաստանի թիմը ներկայացրել են Ա. Շահինյանի անվան ֆիզմաթ հատուկ դպրոցի 11-րդ դասարանի աշակերտ Էդուարդ Արզումանյանն ու 10-րդ դասարանի աշակերտ Սևակ Եգորյանը, ԵՊՀ «ՍԹԵՄ» ավագ դպրոցի 10-րդ դասարանի աշակերտ Հովհաննես Բաղրամյանը և Գյումրու «Ֆոտոն» վարժարանի 12-րդ դասարանի աշակերտ Գևորգ Գրիգորյանը։ ՀՀ թիմից բրոնզե մեդալի է արժանացել «Ֆոտոն» վարժարանի սան Գևորգ Գրիգորյանը, իսկ Ա. Շահինյանի անվան ֆիզմաթ հատուկ դպրոցի սաներ Էդուարդ Արզումանյանը ու Սևակ Եգորյանը՝ գովասանագրերի։

Օլիմպիադան անցկացվել է 2 փուլով՝ տեսական և գործնական։

Հայաստանի թիմը ղեկավարել են Արթուր Ավագյանը (ԵՊՀ Տեղեկատվական տեխնոլոգիաների կրթական և հետազոտական կենտրոնի գործադիր տնօրեն) և Մհեր Երզնկյանը («Բույմիե» ընկերության արհեստական բանականության ինժեներ)։

Հիշեցնենք, որ 2023-2024 ուսումնական տարում այլ միջազգային օլիմպիադաների է մասնակցել  հանրապետության 12 կրթօջախի 105 աշակերտ, որոնք արժանացել են 6 ոսկե, 17 արծաթե և 35 բրոնզե մեդալների (Ժաուտիկովյան միջազգային 20-րդ օլիմպիադա /2 ոսկի, 6 արծաթ, 9 բրոնզ/, ինֆորմատիկայի InfO(1)CUP միջազգային 8-րդ օլիմպիադա /1 ոսկի, 2 բրոնզ/, Մաթեմատիկայի միջազգային կովկասյան 9-րդ օլիմպիադա /1 ոսկի, 2 բրոնզ/, IATI ինֆորմատիկայի միջազգային 15-րդ օլիմպիադա /2 արծաթ, 8 բրոնզ/, Քիմիայի 58-րդ միջազգային Մենդելևյան օլիմպիադա /1 արծաթ, 1 բրոնզ/, Ասիայի և Խաղաղ օվկիանոսյան երկրների (APIO) ինֆորմատիկայի միջազգային 18-րդ օլիմպիադա /1 արծաթ, 1 բրոնզ /, Կիրառական կենսաբանության 4-րդ միջազգային օլիմպիադա (IABO) /2 ոսկի, 5 արծաթ, 1 բրոնզ/, Ֆիզիկայի միջազգային գիտական 1-ին օլիմպիադա (ISPhO) /2 արծաթ, 6 բրոնզ/, Ինֆորմատիկայի Եվրոպայի աղջիկների 4-րդ օլիմպիադա (EGOI) /1 բրոնզ/, Ինֆորմատիկայի Եվրոպայի պատանիների 8-րդ օլիմպիադա (EJOI) /2 բրոնզ/, Արհեստական բանականության 1-ին միջազգայի օլիմպիադա /1 բրոնզ/)։ Կրթօջախներից մեդալների են արժանացել «Քվանտ» վարժարանը /3 ոսկի, 6 արծաթ, 6 բրոնզ/, Ա․Շահինյանի անվան ֆիզմաթ հատուկ դպրոցը /2 ոսկի, 6 արծաթ, 21 բրոնզ/, ԵՊՀ ՍԹԵՄ ավագ դպրոցը /1 ոսկի, 1 արծաթ/,  ՀԱՊՀ ավագ դպրոցը /1 արծաթ, 3 բրոնզ/, Գյումրու թիվ 1 ավագ դպրոցը /1 արծաթ, 1 բրոնզ/, Վանաձորի մաթեմատիկական և բնագիտական առարկաների խորացված ուսուցմամբ հատուկ դպրոցը /1 արծաթ, 1 բրոնզ/, Հրազդանի թիվ 10 ա/դ-ը /1 արծաթ/ և Գյումրու Ֆոտոն վարժարանը /3 բրոնզ/։ 2022-2023 ուսումնական տարում այլ միջազգային օլիմպիադաներից մասնակցել է 8 կրթօջախի 69 աշակերտ, որոնք արժանացել են 8 ոսկե, 9 արծաթե և 26 բրոնզե մեդալների։

Այս թեմայով Ամենայն Հայոց Կաթողիկոսն ընդունել է Միջազգային քրեական դատարանի նախկին դատախազին Նիկոլական տրանսգենդերը ներկայացնելու է Հայաստանը տրանս-«գեղեցկության» միջազգային մրցույթին. Ռուբեն Մելիքյան Հայաստանի կանանց հավաքականը տարավ հինգերորդ անընդմեջ հաղթանակը շախմատի համաշխարհայի օլիմպիադայում Ջրհեղեղից տուժած Տավուշում դրամական առաջին փոխհատուցումը տրվեց երեքուկես ամիս անց «Եվրոպական ժառանգության օրերը» Հայաստանում մեկնարկել է Արենիում անցկացվող Արհեստների միջազգային փառատոնով Հայաստանում առաջին անգամ անցկացվում է Furniture Expo 2024 կահույքի մասնագիտացված ցուցահանդեսը Մեկնարկում է «Արմենիա» միջազգային երաժշտական 8-րդ փառատոնը Հայաստանի հավաքականները երրորդ անընդմեջ հաղթանակն են տարել շախմատի համաշխարհային 45-րդ օլիմպիադայում Այս տարվա առաջին 8 ամիսներին «կարմիր գծերի» Ա և Բ գոտիների համար վճարվել է ավելի քան 1 մլրդ 539 մլն 256 հազար դրամ․ ՓաստԻնֆո Մենք սկզբունքային դիրքորոշում ունենք սահմանների անձեռնմխելիության վերաբերյալ. Իրանի ԱԳ փոխնախարար