Թվային հարթակով կառուցապատման թույլտվությունների ստացման հայտերի թիվն աճում է

Հայաստանի 4 մարզեր շարունակում են քաղաքաշինական թույլտվությունների ստացման հայտեր ընդունել urban.e-gov.am հարթակով։ Oգոստոսի 1-ից մինչև սեպտեմբերի 12-ը Կոտայքի, Արմավիրի, Արարատի և Լոռու մարզերում միասին էլեկտրոնային եղանակով ներկայացվել է նախագծման թույլտվություն (ճարտարապետահատակագծային առաջադրանք) ստանալու 1498 հայտ (Կոտայք՝ 601, Արարատ՝ 460, Արմավիր՝ 354, Լոռի՝ 83 ):

Հայտերի թվով առաջինն Արարատի մարզի Մասիս համայնքն է, երկրորդը՝ Կոտայքի մարզի Աբովյան, իսկ երրորդը՝ Արարատի մարզի Արտաշատ համայնքը։

Հարթակի միջոցով այս ընթացքում ներկայացվել է շինարարության թույլտվություն ստանալու 376 հայտ։ Ընդ որում, սեպտեմբերի առաջին 12 օրերի ընթացքում ավելի քան կրկնակի շատ հայտեր են ներկայացվել, քան ամբողջ օգոստոսի ընթացքում։ Oգոստոսի 1-ից մինչև սեպտեմբերի 12-ը Կոտայքի մարզում ներկայացվել է 172 հայտ, Արմավիրում՝ 94, Արարատում՝ 85, իսկ Լոռիում՝ 25։ Շինթույլտվություն ստանալու հայտերի քանակով առաջատարը Կոտայքի մարզի Նաիրի համայնքն է, այնուհետև՝ Արարատի մարզի Մասիս համայնքը, իսկ երրորդը հավասարապես Արմավիրի մարզի Վաղարշապատ և Կոտայքի մարզի Աբովյան համայնքներն են։

Հիշեցնենք, որ կառուցապատման թույլտվությունների համար դիմողներին աջակցելու նպատակով յուրաքանչյուր երեքշաբթի և հինգշաբթի՝ ժամը 16։00-18։00-ն, կազմակերպվում են խորհրդատվական հանդիպումներ «VX Soft» ընկերության գրասենյակում (հասցե՝ Մարշալ Բաղրամյան պողոտա 24/6, 3-րդ հարկ (Գիտությունների ազգային ակադեմիայի հիմնարար գրադարանի շենք)): 

Այս թեմայով Թվային խոցելիության անդունդին. «Փաստ» Ժողովրդին պետք է տանք թվային բացատրություն, թե ինչու ենք տասնյակ միլիարդ դրամ ծախսել և նոր ինստիտուտ ստեղծել. վարչապետ Մեկնարկում է «Ամսվա լավագույններ» մրցութային հայտերի ընդունումը Yandex Armenia-ն ծրագրավորման դպրոցում սովորելու համար նոր հայտերի հավաքագրում է սկսում Բանգլադեշում ջրհեղեղների հետևանքով զոհերի թիվն աճել է Երեւանի քաղաքապետարանը քաղաքացիներին հորդորում է նախապես ձեռք բերել թվային ուղետոմս Կներդրվի աշխատանքային պայմանագրերի կնքման թվային համակարգ Հայտերի ընդունում՝ արվեստի դպրոցների ձեռնարկների, առարկայական ծրագրեր մշակման նպատակով Իջևանի մեր այգին ա, էնպես չի՝ բան չի աճում, սալոր կա, համով էլ ա․ Փաշինյան (տեսանյութ) Կամավոր ատեստավորման հայտերի ընդունման ժամկետը երկարաձգվել է