Քասախցի երիտասարդին դանակահարած տղամարդը ձերբակալվել է

Սեպտեմբերի 5-ի ժամը 23.10-ին ՆԳՆ ոստիկանության Արագածոտնի մարզի օպերատիվ կառավարման կենտրոն «Աստղիկ» բժշկական կենտրոնից հայտնել էին, որ «Կրծքավանդակի ձախ կեսի թափանցող վիրավորում» ախտորոշմամբ բուժօգնության է տեղափոխվել Կոտայքի մարզի Քասախ գյուղի բնակիչ 32-ամյա մի երիտասարդ: Ըստ բժշկի տեղեկանքի՝ նա ի վիճակի չէ դեպքի վերաբերյալ որևէ հանգամանք հայտնելու:

Ոստիկանության Աշտարակի բաժնի քրեական հետախույզների ձեռարկած օպերատիվ-հետախուզական միջոցառումների շնորհիվ պարզվել է, որ ժամը 22-ի սահմաններում Աշտարակ քաղաքի Արցախի փողոցում կենցաղային հարցերի շուրջ ծագած վիճաբանության ժամանակ 32-ամյա երիտասարդին դանակով հարվածել և ծանր մարմական վնասվածք է պատճառել Աշտարակ քաղաքի 35-ամյա բնակիչը: Արագածոտնի մարզային քննչական վարչությունում դեպքի առթիվ նախաձեռնված քրեական վարույթի շրջանակում սեպտեմբերի 6-ին խուզարկություն է կատարվել նրա բնակության հասցեում. հայտնաբերվել է դեղնականաչավուն կանեփանման զանգված:

Ոստիկանության Աշտարակի և Արարատի բաժինների ծառայողների համատեղ բացատրական աշխատանքի շնորհիվ աշտարակցի 35-ամյա տղամարդը սեպտեմբերի 12-ին Ռուսաստանի Դաշնությունից վերադարձել, «Զվարթնոց» օդանավակայանում ձերբակալվել և տեղափոխվել է ոստիկանության Աշտարակի բաժին: Նա և կազմված փաստաթղթերը ներկայացվել են Արագածոտնի մարզային քննչական վարչություն:

35-ամյա տղամարդը տեղափոխվել է ձերբակալվածների պահման վայր:

Քրեական վարույթը շարունակվում է:

Այս թեմայով Կայծակի հարվածից հետո 40 րոպե սրտի կանգ ունեցած տղամարդը փրկվել է ու ամբողջությամբ ապաքինվել 3 անձ ձերբակալվել է քաղաքացուն առևանգելու, նրա նկատմամբ հոգեկան ներգործության կասկածանքով Քասախցի երիտասարդին դանակահարած տղամարդը ձերբակալվել է Ոստիկանին սպանած 41–ամյա տղամարդը կալանավորվել է Բուժքույրը փորձել է թմրամիջոց փոխանցել կալանավորված անձին և ձերբակալվել է Վեճն ավարտվել է 25-ամյա երիտասարդի դանակահարությամբ․ ձերբակալվել է նրա 33-ամյա համագյուղացին Կրասնոդարում ՌԴ ՊՆ-ից հափշտակում կատարելու գործով ձերբակալվել է գործարար Սուրեն Գրիգորյանը Ձերբակալվել են Շիրակի մարզպետարանի պաշտոնատար անձը, դպրոցի տնօրենն ու տեղակալը․ մանրամասներ 35-ամյա տղամարդը երկու օրվա ընթացքում թմրամիջոցի ավելի քան 150 փաթեթ է տեղադրել Երևանի տարբեր մասերում Երևանի կենտրոնում ձերբակալվել է լիցքավորված ատրճանակով տղամարդ