Հանրային քննարկման է ներկայացվել ընտանիքների անապահովության գնահատման նոր համակարգը

Ազգային Ժողովի աշխատանքի և սոցիալական հարցերի մշտական հանձնաժողովում հանրային քննարկման է ներկայացվել ընտանիքների անապահովության գնահատման նոր համակարգը՝ «Սոցիալական աջակցության մասին» և «Պետական նպաստների մասին» օրենքներում փոփոխություններ ու լրացումներ կատարելու վերաբերյալ նախագծերի փաթեթներն ԱԺ-ում առաջին ընթերցմամբ ընդունելու համատեքստում։

Քննարկմանը, որը վարել է ԱԺ աշխատանքի և սոցիալական հարցերի հանձնաժողովի նախագահ Հերիքնազ Տիգրանյանը, մասնակցել են ԱՍՀ նախարարի տեղակալ Աննա Ժամակոչյանը, ՄՍԾ պետի առաջին տեղակալ Անի Չիլինգարյանը, պատգամավորներ՝ Զարուհի Բաթոյանը, Գայանե Եղիազարյանը, Լիլիթ Ստեփանյանը, ինչպես նաև Երևանի քաղաքապետարանի, հասարակական և միջազգային կազմակերպությունների ներկայացուցիչներ ու քաղաքացիներ։

Հանդիպման շրջանակում ընդգծվել է օրենսդրական բարեփոխումների իրականացման նպատակի կարևորությունը․ այն է՝ բարձրացնել սոցիալական պաշտպանության ոլորտի դիմակայունությունը, կառավարման արդյունավետությունն ու մատուցվող ծառայությունների որակը, ինչպես նաև որոշակիացնել դերակատարների լիազորություններն ու նպաստել սոցիալական աշխատանքի կայացմանը։

Նախարարի տեղակալ Աննա Ժամակոչյանը մանրամասնել է անապահովության գնահատման համակարգի գործող և առաջարկվող մոդելների տարբերությունները, բանաձևերի, դրամական աջակցության տեսակների ու անապահովության հիմքով կրթական և առողջապահական արտոնյալ ծառայությունների, կիրառվող զտիչների և խնամառության գործակցի գնահատման վերաբերյալ։

Նախարարի տեղակալի խոսքով՝ ընտանիքների անապահովության գնահատման նոր համակարգի հիմնական նպատակն է ներդաշնակեցնել աղքատության մասին տվյալների ու պետական գնահատման մոտեցումները, ինչը հնարավորություն կտա սոցիալական աջակցության քաղաքականությունը դարձնել համար առավել հասցեական և արդյունավետ։ Այն հիմնված է լինելու մարդկանց իրական եկամուտների և ակտիվների գնահատման վրա՝ միավորելով վերագրման ինստիտուտը։

Աննա Ժամակոչյանը նշել է նաև, որ նոր համակարգը հնարավորություն կստեղծի նաև առավել հասցեական դարձնել սոցիալական աջակցության ծրագրերը, խրախուսել անձի սոցիալ-տնտեսական ակտիվացումը՝ հիմնվելով սոցիալական աջակցության ծառայությունները կարիքին համաչափ տրամադրելու սկզբունքի վրա և նպաստելով ծայրահեղ աղքատության հաղթահարմանը։

Քննարկումը շարունակվել է հարցուպատասխանի ձևաչափով․ մասնակիցները ներկայացրել են իրենց դիտարկումներն ու առաջարկները՝ օրենսդրական փաթեթներում հաշվի առնելու նպատակով։

Այս թեմայով Զինծառայողին անզուշությամբ ծանր մարմնական վնաս պատճառելու համար մեղադրանք է ներկայացվել նրա ծառայակցին. ՔԿ 31-ամյա տղամարդու դանակահարության վարույթով հանրային քրեական հետապնդում է հարուցվել երկու անձի նկատմամբ Քրեակատարողական առողջապահության բարեփոխումներ, ձեռքբերումներ ու մարտահրավերներ. ներկայացվել են ծրագրային ուղղությունները Սանիտարահիգիենիկ նորմերի խախտումներ. Երևանում կասեցվել է հանրային սննդի կետի գործունեությունը Հնդկաստանի երկու քաղաքացի կալանավորվել է Հայաստանում թմրամիջոցների ապօրինի շրջանառության մեղադրանքով Նախագիծը ենթադրում է բացառապես հանրային տարածքի տեսահսկմամբ ձեռք բերվող տվյալների մշակում. ՆԳՆ Հանրային ռադիոյի տնօրենի մրցույթի որոշումը կասեցված է. Քոլոյանը ԺՊ է դարձել Գործարկվել է Միգրացիայի և քաղաքացիության ծառայության հերթերի կառավարման բարեփոխված համակարգը Անապահովության նպաստի մերժման նոր հիմք կսահմանվի Ձգձգելու են գործի քննությունը, որ հանրային հետաքրքրությունը նվազի. փաստաբան Աննա Փիլոսյան (տեսանյութ)