Եթե տեսնենք ԵՄ-ի լիիրավ անդամ դառնալու շատ թե քիչ իրատեսական հնարավորություն, այդ պահը հաստատ բաց չենք թողնի. Փաշինյան

«ԵԱՏՄ հետ մեր առևտրաշրջանառությունը նախորդող շրջանում աճել է և շարունակում է աճել։ Այդտեղ զարմանալի ոչինչ չկա, քանի որ մենք ԵԱՏՄ անդամ ենք»,-  Հայկական երկրորդ գլոբալ գագաթնաժողովին ասաց Նիկոլ Փաշինյանը։

Ըստ նրա, Հայաստանի արտադրողի, գործարար համայնքի համար ավելի մատչելի է ԵԱՏՄ շուկան, քան մյուս շուկաները։

«Անկեղծ ասեմ, մենք խնդիր չենք տեսնում ԵԱՏՄ հետ, կամ խնդիր չենք դնում ԵԱՏՄ հետ մեր  առևտրաշրջանառության  ծավալները նվազեցնել։ Մենք խնդիր ենք դնում Եվրամիության, այդ թվում ԵԱՏՄ հետ այլ շուկաներում  մեր առևտրաշրջանառության ծավալներ ավելացնել։

Պետք է հասկանանք, որ այդ դիվերսիֆիկացիան, այդ թվում տնտեսության, որոշակի գործընթաց է, նաև այստեղ է, որ և ԵՄ, և ԱՄՆ-ի հետ աշխատում ենք, որպեսզի այդ դիվերսիֆիկացիան տեղի ունենա։

Մենք խնդիր չենք ձևակերպել, որ մենք ԵԱՏՄ կամ ՌԴ հետ պետք է մեր առևտրային կապերը նվազեցնենք, խզեք»,- ասաց Փաշինյանը։

Ինչ վերաբերում է  Եվրամիության անդամակցության հետ կապված տեսլականին, նա նշեց. «Այստեղ էլ մենք պետք է հասկանանք, որ դա միակողմանի գործողություն չէ, նույնիսկ երկկողմանի գործողություն չէ։ Այստեղ է որ մենք պետք է շատ ուշադիր լինենք խնդիրներ ձևակերպելիս, որպեսզի այդ խնդիրների լուծման ճանապարհին նոր հիասթափություններ չառաջացնենք մեր ժողովրդի շրջանում։

Ի վերջո, պետք է նաև ֆիզիկապես պատկերացնել Հայաստանի անդամակցությունը ԵՄ-ին։ Կարևոր է Վրաստան-ԵՄ հարաբերությունները, թե ինչ տեղի կունենա, կարևոր է Թուրքիա-ԵՄ հարաբերությունները, ինչպես դրանք կզարգանան։ Այս համատեքստում շատ կարևոր է Հայաստան-Թուրքիա հարաբերությունները, թե ինչպես կզարգանան։

Եթե տեսնենք Եվրամիության լիիրավ անդամ դառնալու շատ թե քիչ իրատեսական հնարավորություն, այդ թվում կառավարելի պահելով այն հնարավոր սպառնալիքները, որոնք կարող են այդ ճանապարհին գոյանալ, մենք այդ պահը հաստատ բաց չենք թողնի»։

Այս թեմայով «Ճանապարհներին ալիքներ են ձևավորվում, մեր շինարարական ընկերությունները բիտումի այն մակնիշը չեն օգտագործում, որը ստանդարտներով սահմանված է». Փաշինյան «Կիրանցում ապրելը երբեք ավելի անվտանգ չի եղել, քան այսօր». Փաշինյան Հայաստանի շահերից կբխեր, որ ես չլինեի հայրենասեր, դա ամենամեծ վնասն է, որ ես տվել եմ. Փաշինյան «Ես արգելել եմ, որ Հայաստան օգտագործված հագուստ, ավտոմեքենա, կիսամաշ պակռիշկա ուղարկվեն». Ն. Փաշինյան Գերիների հարցը կլուծվի խաղաղության պայմանագրից հետո. Փաշինյան (տեսանյութ) Պաշտոնապես ասում եմ՝ ՀՀ-ն ուզում է և պատրաստ է անցում տալ Բաքվին նույն պայմանով, ինչ Իրանը. Փաշինյան (տեսանյութ) Այո´, Հայաստանի 200 քկմ տարածքն օկուպացված է, բայց մենք այն հետ չենք բերելու ռազմական ճանապարհով. Փաշինյան (տեսանյութ) «Երբ ամուսնանամ, հաստատ կիմանաք». Զիրոյանը՝ անձնականի, թատերական ընդունվելու և իր բրենդը ստեղծելու մասին Հայկական արտադրության ապրանքների համար՝ նոր հնարավորություն ռուսական շուկայում. «Փաստ» Ուշագրավ իրադարձություն է սպասվում. Երևանը դառնալու է տեխնոլոգիական առաջատար ընկերությունների ու մասնագետների հիմնական հավաքատեղին. «Փաստ»