Ոստիկանությունը՝ շտապօգնության մեքենաներով ոստիկաններին տեղափոխելու մասին
ОбществоՈստիկանները տեղաշարժվում են ոստիկանական մեքենաներով։ Այս մասին ԼՈՒՐԵՐ․com-ի հետ զրույցում ասաց Ոստիկանության ԶԼՄ-ների հետ կապի բաժնի պետ Զարզանդ Գաբրիելյանը՝ անդրադառնալով երեկ տարածված տեղեկություններին, թե Երևանի քաղաքապետարանը շտապօգնության մեքենաներ է տրամադրել ոստիկաններին ցույցի վայրեր տեղափոխվելու համար։
Հարցին՝ գուցե դրանք մասնավոր ընկերության շտապօգնության մեքենաներ են եղել, Ոստիկանությունից չպատասխանեցին։
Հիշեցնենք, որ երեկ վարչապետ Նիկոլ Փաշինյանի հրաժարականի պահանջով անհնազանդության ակցիաներ էին տեղի ունենում, քաղաքացիները փակում էին քաղաքացիները փակում էին Երևանի փողոցները, իսկ ոստիկանները փորձում էին հանդարտեցնել նրանց։ Հենց այդ ընթացքում էլ ԱԺ ԲՀԿ-ական պատգամավոր Նաիրա Զոհրաբյանը և Երևանի ավագանու ԲՀԿ խմբակցության քարտուղար Հռիփսիմե Առաքելյանը հայտարարեցին, որ Երևանի Հերացի փողոցով Մյասնիկյան պողոտա բարձրացող հատվածում նկատել էին շտապօգնության 2 մեքենայով տեղափոխում են ոստիկաններ:
Սակայն «Շտապօգնություն» ՓԲԸ տնօրեն Թագուհի ստեփանյանն անմիօջապես հերքեց` ասելով, որ դրանք Երևանի քաղաքապետարանի շտապօգնության մեքենաները չեն եղել, իսկ թե որ հիմնարկի ծառայության մեքենաներն են ինքը չի կարող ասել։ Նա նաև նշե;լ է, որ շատ տարբեր հիմնարկներ ու հիվանդանոցներ ունեն նույն մակնիշի մեքենաներ:
Երևանի քաղաքապետարանը չանդրադարձավ հարցին, միայն Հայկ Մարությանի մամուլի խոսնակ Հակոբ Կարապետյանը իր ֆեյսբուքյան էջում հրապարակեց «Շտապօգնություն» ՓԲԸ-ի մեկնաբանությունը։