Հանձնաժողովը դրական եզրակացություն է տվել «ՀՀ 2023 թ. պետական բյուջեի կատարման մասին» տարեկան հաշվետվությանը

ԱԺ ֆինանսավարկային եւ բյուջետային հարցերի մշտական հանձնաժողովը հունիսի 7-ի արտահերթ նիստում դրական եզրակացություն է տվել «ՀՀ 2023 թվականի պետական բյուջեի կատարման մասին» տարեկան հաշվետվությանը: ՀՀ ֆինանսների նախարարի տեղակալ Վահան Սիրունյանը հակիրճ ներկայացրել է հաշվետվությունը, որը մոտ 2 շաբաթ մանրամասն քննարկվում էր ԱԺ մշտական հանձնաժողովների համատեղ նիստերում: Հաջորդիվ քննարկվել է 2024 թվականի պետական բյուջեի առաջին եռամսյակի կատարման ընթացքի վերաբերյալ տեղեկանքը: ՀՀ ֆինանսների նախարարի տեղակալ Վահան Սիրունյանի տեղեկացմամբ  2024 թվականի առաջին եռամսյակում հիմնական գործընկեր երկրներում տնտեսական աճի տեմպերն արագացել են, ինչը զուգորդվել է պետական ու մասնավոր սպառման աճերով: Միաժամանակ, զսպող դրամավարկային քաղաքականության դիրքի պահպանման պայմաններում գործընկեր երկրներում նկատվել է գնաճի կայունացում:

Հումքային եւ պարենային ապրանքների միջազգային գներն ընդհանուր առմամբ նվազել են, տենդենցը շարունակվել է, պարենային ապրանքների միջազգային գները նվազել են 9,4 տոկոսով, պղնձի գները՝ 5,6 տոկոսով, նավթի եւ մոլիբդենի գներն աճել են, ինչն իր ազդեցությունն է ունեցել Հայաստանի տնտեսության վրա: Արտահանման եւ ներմուծման տեսանկյունից 2024 թվականի  հունվար-մարտ ամիսներին գրանցվել է ապրանքների արտահանման 2,7 անգամ աճ, սակայն հայկական ծագման ապրանքների արտահանումը նվազել է շուրջ 14,3 տոկոսով: Բարձր աճը հիմնականում պայմանավորված է եղել ոսկու վերարտահանմամբ՝ հիմնականում Արաբական Միացյալ Էմիրություններ:

Ներմուծման աճը կազմել է 75,8 տոկոս, սակայն առանց վերարտահանման ազդեցությամբ ներմուծման աճը նվազել է 9,2 տոկոսով: Տնտեսական ակտիվության առումով աճի բարձր տեմպերը  շարունակվել են նաեւ 2024 թվականի հունվար-մարտ ամիսներին՝ պայմանավորված հիմնականում առեւտրի, ծառայությունների եւ շինարարության աճով՝  կրելով նաեւ ոսկերչական արտադրատեսակների վերամշակման կտրուկ աճի եւ ԼՂ-ից բռնի տեղահանված մեր հայրենակիցների տնտեսական գործունեության ազդեցությունները: Հաշվետու ժամանակաշրջանում պետական բյուջեի եկամուտներն առաջին եռամսյակում կազմել են 525 մլրդ դրամ՝ պլանավորված 563,1 մլրդ դրամի դիմաց, կատարողականը կազմել է 93,2 տոկոս: Նախորդ տարվա նույն ժամանակահատվածի համեմատ եկամուտներն աճել են 8,6 տոկոսով: Ծախսերը կազմել են 525,9 մլրդ դրամ, կատարողականը՝ 82,5 տոկոս:

Նախորդ տարվա նույն ժամանակահատվածի համեմատ ծախսերն աճել են 24,4 տոկոսով: Պակասուրդի մասով կատարողականը կազմել է 0,9 մլրդ դրամ, 77,4 մլրդ դրամ պլանային ցուցանիշների համեմատ կատարողականը կազմել է 1,2 տոկոս: Փոխնախարարը ներկայացրել է նաեւ այլ ցուցանիշներ: Վահան Սիրունյանը պատասխանել է պատգամավորների հարցերին: Հանձնաժողովն ի գիտություն է ընդունել ներկայացված տեղեկանքը: 

По теме В Армении в январе-июне 2024 года по сравнению с аналогичным периодом 2023 года наблюдался рост во всех сферах экономики В Японии в 2023 году пропали более 91 тыс. человек В парламенте Армении продолжается обсуждение отчета о реализации госбюджета за 2023 год (прямой эфир) МИД: Армения в 2023 году продолжила процесс нормализации отношений с Турцией В парламенте Армении продолжается обсуждение отчета о реализации госбюджета за 2023 год (прямой эфир)