Կրեմլում սկսել են ընդունել Պուտինի հետ «ուղիղ կապի» հարցերը

Կրեմլում սկսել են ընդունել Վլադիմիր Պուտինի հետ կայանալիք «ուղիղ կապի» հարցերը: Սա պետության ղեկավարի ամենամյա ավանդական «հարցազրույցն» է ռուսների հետ, որը դուրս կգա եթեր ապրիլի 16-ին: Այս մասին հայտնել է ՏԱՍՍ-ը:

Պուտինի այս հարցազրույցը քաղաքացիների հետ ուղիղ եթերում կդառնա 13-րդ-ը:

Ինչպես հայտնել են Կրեմլի մամուլի ծառայությունում, ՌԴ նախագահին, ինչպես և նախորդ տարիներին, կկարողանան հարցեր ուղղել ոչ միայն ծրագրի ստուդիա հրավիրված հյուրերը, այլ նաև այն անձինք, ում հետ Պուտինը կշփվի ուղիղ եթերում, երկրի տարբեր քաղաքներից: Հնարավորություն է տրվելու ուղարկել անվճար SMS հաղորդագրություն, կարելի է նաև տեսահարց ուղղել:

Հարցերը հավաքվելու են շաբաթվա ընթացքում: Նրանցից առավել հետաքրքիրներն ու կարևորները կուղղվեն Պուտինին ուղիղ եթերի ընթացքում: