Օդրի Հեփբյոռնի ընտանիքը անտառ կտնկի «Սևոլ» լաստանավի զոհերի հիշատակին

Դերասանուհի Օդրի Հեփբյոռնի ընտանիքը Հարավային Կորեայի հարավ-արևմուտքում անտառ կտնկի «Սևոլ» լաստանավի խորտակման զոհերի հիշատակին, տեղեկացնում Է «Արմենպրես»-ը:

Ակցիայի նախաձեռնողը դարձել Է Օդրի Հեփբյոռնի անվան ընկերության նախագահ և նրա ավագ որդի Շոն Հեփբյոռն Ֆերերը, որը հուշանտառի համար նվիրաբերել Է 50 հազար դոլար: Պլանավորվում Է, որ ծառատունկը տեղի կունենա ապրիլի 10-ին Չինդո կղզում:

«Ողբերգությունից մեկ տարի Է անցել, և, ընտանիքներին ծաղիկներ ուղարկելու փոխարեն, մենք որոշեցինք ստեղծել մի շատ գեղեցիկ բան: Մենք ցանկանում ենք դնել այն հիմքը, որի վրա կհաստատվեն հույսն ու անդորրը»,- Ֆերերի խոսքը մեջբերում Է «Ֆրանսպրես» գործակալությունը:

«Մենք կստեղծենք մի վայր, որտեղ յուրաքանչյուրը կկարողանա սկսել ապագայի կառուցումը, որտեղ նմանօրինակ ողբերգությունները չեն կրկնվի»,-հավելել Է նա:

Օդրի Հեփբյոռնը ՅՈւՆԻՍԵՖ-ի բարի կամքի դեսպան Է եղել 1989 թվականից մինչև իր մահը՝ 1993 թվականին:

«Սևոլ» մարդատար լաստանավը խորտակվել Է 2014 թվականի ապրիլի 16-ին: Հարավային Կորեայի արդի պատմության մեջ ամենախաշոր ողբերգություններից մեկի զոհ Է դարձել 295 մարդ, որոնցից 250-ը 15-ից մինչև 19 տարեկան դպրոցականներ են: Մինչ այժմ չեն գտնվել ինը մարդու մարմիններ: Ընդամենը վթարի պահին նավի վրա եղել Է 476 մարդ: Լաստանավի խորտակման հետևանքով անհայտ կորածների որոնման գործողությունը դադարեցվել Է 2014 թվականի նոյեմբերին՝ կապված դրա անցկացման բարդության հետ:

Լաստանավի խորտակման գործով մեղադրվում Է 399 մարդ, ձերբակալված են 154-ը: 2014 թվականի նոյեմբերին Հարավային Կորեայի Կվանջու քաղաքի դատարանը «Սևոլի» նավապետին, որն ուղևորի տեսքով առաջիններից մեկն Է լքել խորտակվող նավը, մեղավոր Է ճանաչել արտակարգ իրավիճակում անփութություն դրսևորելու մեջ, ինչը հանգեցրել Է մարդկանց զոհվելու, և նրան դատապարտել Է 36 տարվա բանտային կալանքի: Անձնակազմի ևս 14 անդամներ դատապարտվել են 5-ից մինչև 30 տարվա ազատազրկման, հաղորդել Է ՌԻԱ Նովոստին: