Օխոտի ծովում ուռկանանավի խորտակվելու հետևանքով զոհերի թիվը հասել է 62-ի

Օխոտի ծովում ուռկանանավի խորտակումից հետո անհայտ կորած Սախալինի մարզի հինգ բնակիչները մահացած են ճանաչվել, հայտնում է ՌԻԱ «Նովոստին»` հղում անելով տարածաշրջանի իշխանություններին:

«Սախալինի մարզի հինգ բնակիչ մահացած է ճանաչվել: Այս կապակցությամբ, նրանց ընտանիքները նույնպես մեկ միլիոն ռուբլի կստանան մարզի պետբյուջեից»,- ասված է հայտարարության մեջ:

Խորտակված ուռկանանավի զոհերի ընդհանուր թիվը հասել է 62 մարդու: Դեռևս 7 մարդ համարվում է անհայտ կորած: