ՄԱԿ-ի գլխավոր քարտուղարը գովել է ԱՄՆ-ին հակամարտությունների բացակայության համար և թմրամիջոցների թրաֆիքինգի դեմ պայքարելու կոչ արել

Հյուսիսային և Հարավային Ամերիկան պահպանում են հակամարտություններից ազատ գոտու կարգավիճակը, և ավելի շատ են հակված ժողովրդավարության սկզբունքներին և մարդու իրավունքները հարգելուն: Այս մասին ուրբաթ օրը հայտարարել է ՄԱԿ-ի գլխավոր քարտուղար Պան Գի Մունը, փոխանցում է ՏԱՍՍ-ը:

Ելույթ ունենալով Պանամայում Ամերիկաների գագաթնաժողովին՝ նա մատնանշել է տարածաշրջանի երկրների ձեռքբերումները, սակայն կոչ է արել նրանց ավելի մեծ առաջընթացի հասնել թմրանյութերի թրաֆիքինգի և այլ խնդիրների դեմ պայքարում:

«Ամբողջ Արևմտյան կիսագնդում, մենք տեսնում ենք մի տարածաշրջան, որը գնալով ավելի հավատարիմ է խաղաղությանը, ժողովրդավարությանը, մարդու իրավունքներին և միասնությանը, ինչպես նաև կայուն զարգացմանը: Այս բոլոր տարրերը բացահայտում են Միավորված ազգերի կազմակերպության երեք գլխավոր սյուները (անվտանգություն, մարդու իրավունք և զարգացում) և գտնվում են այս գագաթաժողովի ուշադրության կենտրոնում»,- ասել է ՄԱԿ-ի գլխավոր քարտուղարը: