Բրազիլիայում զանգվածային հակակառավարական ցույցեր են

Բրազիլիայի խոշորագույն քաղաքներում ցույցեր են ընթանում կառավարության սոցիալ-տնտեսական քաղաքականության դեմ: Այս մասին հայտնել է korrespondent.net-ը:

Բողոքի ցույցի մասնակիցները դատապարտում են լայնածավալ կոռուպցիան, որի մեջ ներգրավված են Petrobras նավթագազային պետական ընկերության, խոշոր շինարարական կազմակերպությունների ղեկավարները, ինչպես նաև մի շարք քաղաքական գործիչներ, իշխող կուսակցության բարձաստիճան պաշտոնյաներ:

Դաշնային ոստիկանությունը, հետաքննելով կոռուպցիայի մասին գործը, կարծում է, որ հանցավոր ֆինանսական սխեմաների մասնակիցները հափշտակել են շուրջ մեկ միլիարդ դոլար:

Բրազիլական ԶԼՄ-ների տվյալներով` ցույցեր են տեղի ունենում երկրի 26 նահանգների 14 վարչական կենտրոններում և դաշնային մայրաքաղաքում` Բրազիլիայում: