Պուտինը հանել է Իրանին C-300 համակարգերի մատակարարման արգելքը
Աշխարհ
ՌԴ-ի նախագահ Վլադիմիր Պուտինը հրամանագիր է ստորագրել, որը թույլ կտա C-300 ռուսական զենիթահրթիռային համակարգեր մատակարարել Իրանին: Այդ մասին, ինչպես տեղակացնում է «Արմենպրես»-ը, հաղորդել է Կրեմլի մամուլի ծառայությունը:
Հրամանագիրը հանում է Ռուսաստանի տարածքով (այդ թվում՝ օդային տրանսպորտով) C-300 զենիթահրթիռային համակարգերի տարանցիկ փոխադրմfg, երկրի տարածքից դուրսբերումն Իրան, ինչպես նաև Ռուսաստանի սահմաններից դուրս ծովային և օդային նավերի օգտագործմամբ, դրանք Իրանին հանձնելու արգելքը:
Ավելի վաղ ապրիլին ռազմատեխնիկական համագործակցության հարցերով զբաղվող կառույցներից մեկի աղբյուրը «Ինտերֆաքս»-ին հայտնել էր, որ Ռուսաստանը պատրաստ է զենիթային հրթիռային համակարգեր մատակարարել Իրանին:
«Իրանի դեմ զենքի բռնարգելքի չեղարկման դեպքում Ռուսաստանը պատրաստ կլինի այդ երկրին մատակարարել հակաօդային պաշտպանության նորագույն զենիթային հրթիռային համակարգեր»,- ասել է գործակալության զրուցակիցը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
