Անդրբայկալում անտառային հրդեհների մակերեսը մեկ օրում ավելացել է 8 անգամ՝ մինչև 24ազար հեկտար
Աշխարհ
Անդրբայկալի երկրամասում անտառային հրդեհների մակերեսը մեկ օրում ավելացել է ութ անգամ՝ երեք հազարից մինչև 24 հազար հեկտար: Այս մասին, ինչպես տեղեկացնում է «Արմենպրես»-ը, ապրիլի 14-ին ՏԱՍՍ-ին հաղորդել են տարածաշրջանի Պետանտառծառայությունում:
«Տեղական ժամանակով ժամը 08:00-ի տվյալներով՝ Անդրբայկալում գործում են 86 անտառային հրդեհներ՝ ավելի քան 24 հազար հեկտար մակերեսի վրա: Դրանցից 12-ը տեղափակված է 1,3 հազար հեկտար մակերեսում: Տարերքի դեմ պայքարին մասնակցում է 1597 մարդ, ներառյալ 210 դեսանտավոր-պարաշյուտիստ: Մարման աշխատանքներում ներգրավված է 327 միավոր տեխնիկա, այդ թվում՝ 96 հրշեջ մեքենա»,- ասել են գերատեսչությունում:
Բնական հրդեհների տարածմանը, օդերևութաբանների կարծիքով՝ նպաստում է չոր և քամոտ եղանակը: Կրակը վնասել և լիովին ոչնչացրել է 145 բնակելի տուն տարածաշրջանի 19 բնակավայրում, որոնցում բնակվում էր ավելի քան 400 մարդ:
Երկրամասի առողջապահության նախարարության տեղեկատվությամբ՝ Անդրբայկալում հրդեհների հետևանքով զոհվել է երեք մարդ, 14 հոգի դիմել է բժշկական օգնության, նրանցից յոթը հոսպիտալացվել է, մի կին ծանր վիճակում է:
Հրդեհների հիմնական պատճառը մարդկային գործոնն է:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
