ԱՄՆ-ն կօգնի Իրաքին վերադարձնել Մոսուլը. Պենտագոն
Աշխարհ
ԱՄՆ-ն կօգնի իրաքյան ուժերին «Իսլամական պետությունից» ետ վերցնել Մոսուլ քաղաքը: Ինչպես հաղորդում է «Արմենպրես»-ը՝ հղում կատարելով Ռիա «Նովոստիին», այս մասին հայտնել է ԱՄՆ-ի Պենտագոնի ղեկավար Էշթոն Քարթերը:
«Մեր կողմից տրամադրվող օգնության ծավալը կլինի ավելին, քան կար Ռամադի քաղաքն ազատելու ժամանակ»,- հայտարարել է Քաշթերը բրիֆինգի ժամանակ: Նա ավելացրել է, որ զինված ուժերին վերապատրաստելուց բացի, կտրվի նաև ինժեներական աջակցություն: Պենտագոնի ղեկավարը չի հստակեցրել, թե երբ կտրամադրվի օգնությունը՝ նշելով, որ Մոսուլն ազատելու օպերացիան սկսվել է:
Իր մեծությամբ երկրորդ խոշոր քաղաքը՝ Մոսուլը, շարունակում է մնալ Իրաքում «Իսլամական պետության» գլխավոր կենտրոնը: Իրաքի Պաշտպանության նախարարը հունվարին խոստացել էր, որ քաղաքի համար մարտերը տեղի է ունենալու 2016 թվականին և այն լինելու է որոշիչ ահաբեկիչների դեմ պայքարում:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
